बेंगळुरूमध्ये कचरा वेचणार्‍या सैबुलने विद्यार्थिनीवर केला बलात्काराचा प्रयत्न !

बेंगळुरू (कर्नाटक) – शहरातील प्रथितयश ‘व्हाईटफील्ड’ परिसरातील एका इमारतीतील भाड्याने राहून शिक्षण घेणार्‍या विद्यार्थिनीवर सैबुल नावाच्या वासनांधाने बलात्कार करण्याचा प्रयत्न केल्याची घटना घडली.

ही विद्यार्थिनी नेहमीप्रमाणे पहाटे चहा पिण्यासाठी इमारतीबाहेर आली. जवळच असलेल्या चहाच्या दुकानाच्या दिशेने ती चालत जात होती. या वेळी सैबुलने अचानक तिच्यावर आक्रमण केले आणि तिला उचलून एका निर्जन ठिकाणी नेऊन तिच्यावर बलात्कार करण्याचा प्रयत्न केला. या वेळी तरुणीने मोठ्याने आरडाओरड केल्यानंतर आजूबाजूचे लोक तातडीने साहाय्यासाठी धावून आले. हे पहाताच सैबुल पळून गेला. घटनेची तक्रार पोलीस ठाण्यात केल्यानंतर पोलिसांनी काही वेळातच आरोपीला अटक केली. सैबुल रस्त्याच्या कडेला कचरा वेचण्याचे काम करतो, अशी माहिती पोलीस तपासात समोर आले आहे.