Mateen Patel : ए.आय.एम्.आय.ए.चा नगरसेवक मतीन पटेल याची पुन्हा चौकशी

(ए.आय.एम्.आय.ए. म्हणजे ‘ऑल इंडिया मजलिस-ए-इत्तेहादुल मुस्लिमीन’ – ‘अखिल भारतीय मुसलमान एकता संघ’)

नाशिक – टी.सी.एस्. प्रकरणातील आरोपी निदा खान हिला आश्रय देणारा  ए.आय.एम्.आय.ए.चा नगरसेवक मतीन पटेल याची पुन्हा एकदा आतंकवादविरोधी पथकाने चौकशी केली. मतीन पटेलच्या भ्रमणभाषमधील सामग्री गोळा (डेटा रिकव्हर) करण्याचे काम आतंकवादविरोधी पथक करत आहे.

मागील चौकशीत मतीन पटेलने ए.आय.एम्.आय.ए.चे नेते इम्तियाज जलील  यांच्याशी संपर्कात असल्याचे मान्य केले होते. मतीन पटेलने निदा खानसमवेतच्या भेटीची माहिती देतांना प्रसारमाध्यमांना सांगितले की, निदा खानला ओळखत नसून केवळ तिला काही दिवसांसाठी खोली दिली होती. ते घर ज्यांना विकले, त्यांनाही आरोपी बनवून ते घर पाडण्यात आले. या प्रकरणी इम्तियाज जलील यांचा काही संबंध नाही. माझे घर पाडून माझ्या नातेवाइकांना त्यांनी रस्त्यावर आणले आहे. (चोर तो चोर वर शिरजोर अशा वृत्तीचे ए.आय.एम्.आय.ए.चे नगरसेवक ! – संपादक)