सनातन प्रभात > Post Type > बातम्या > राष्ट्रीय बातम्या > IRCTC Scam : आय.आर्.सी.टी.सी. निविदा घोटाळ्यात लालूप्रसाद, राबडीदेवी आणि तेजस्वी यादव यांच्यावर आरोप निश्चित

IRCTC Scam : आय.आर्.सी.टी.सी. निविदा घोटाळ्यात लालूप्रसाद, राबडीदेवी आणि तेजस्वी यादव यांच्यावर आरोप निश्चित

(आय.आर्.सी.टी.सी. – इंडियन रेल्वे केटरिंग अँड टुरिझम कॉर्पोरेशन – भारतीय रेल्वे खानपान आणि पर्यटन महामंडळ)

तेजस्वी यादव, लालूप्रसाद यादव आणि राबडीदेवी

नवी देहली – येथील राऊस ॲव्हेन्यू न्यायालयाने राष्ट्रीय जनता दलाचे नेते आणि बिहारचे माजी मुख्यमंत्री लालूप्रसाद यादव, त्यांची पत्नी राबडी यादव आणि पुत्र तेजस्वी यादव यांच्याविरुद्ध आय.आर्.सी.टी.सी. (इंडियन रेल्वे केटरिंग अँड टुरिझम कॉर्पोरेशन –  भारतीय रेल्वे खानपान आणि पर्यटन महामंडळ) निविदा घोटाळ्याच्या प्रकरणी आरोप निश्चित केले.

न्यायालयाने म्हटले आहे की, ‘निविदा घोटाळ्याचा संपूर्ण कट लालूप्रसाद यादव यांच्या माहिती देऊन रचण्यात आला होता. त्यांचा निविदा वाटपाच्या प्रक्रियेत सहभाग होता.’ न्यायालयाने लालूप्रसाद यादव यांना विचारले, ‘तुम्ही आरोप मान्य करता का? दोषी असल्याचे मान्य करता का? कि तुम्हाला खटल्याला सामोरे जायचे आहे ?’ यावर लालूप्रसाद म्हणाले की, सर्व आरोप खोटे आहेत.

आय.आर्.सी.टी.सी. घोटाळा काय आहे ?

वर्ष २००४ ते २००९ या काळात लालूप्रसाद यादव रेल्वेमंत्री होते, तेव्हा रांची (झारखंड) आणि पुरी (ओडिशा) येथील आय.आर्.सी.टी.सी.च्या २ हॉटेल्सच्या देखभालीचे कंत्राट ‘सुजाता हॉटेल्स’ नावाच्या खासगी आस्थापनाला चुकीच्या पद्धतीने देण्यात आले. या व्यवहाराच्या बदल्यात लालूप्रसाद यादव यांच्या कुटुंबाला पाटणा येथील मौल्यवान भूमी मिळाल्याचा अन्वेषण यंत्रणेचा दावा आहे. यादव कुटुंबाव्यतिरिक्त, आय.आर्.सी.टी.सी. ग्रुपचे तत्कालीन व्यवस्थापकीय संचालक व्ही.के. अस्थाना, आर्.के. गोयल आणि ‘सुजाता हॉटेल्स’चे संचालक विजय अन् विनय कोचर हेही या प्रकरणात आरोपी आहेत.

संपादकीय भूमिका

लालूप्रसाद यादव यांना यापूर्वीच काही घोटाळ्यात शिक्षा झालेली असतांना त्यांना जामीन मिळाला आहे. असे असले, तरी जनतेच्या दृष्टीने त्यांची प्रतिमा काय आहे, हे जगाला ठाऊक आहे !

नूतन लेख