रस्त्यावरील खड्ड्यामुळे दुचाकीच्या अपघातात महिला अधिकार्‍याचा मृत्यू

सिंधुदुर्गनगरी – येथील ‘डॉन बॉस्को स्कूल’ समोरील रस्त्यावर पडलेल्या खड्ड्यामुळे २३ सप्टेंबरला दुपारी दुचाकीचा अपघात झाला. या अपघातात जिल्हा परिषद लेखा आणि कोषागार कार्यालयाच्या साहाय्यक लेखाधिकारी श्रीमती हेमलता धोंडू कुडाळकर (रहाणार कुडाळ) यांचा मृत्यू झाला. दैनिक प्रहार आणि ‘प्रहार डिजिटल’चे कुडाळ प्रतिनिधी, तसेच कुडाळ नगरपंचायतीचे नगरसेवक विलास कुडाळकर यांच्या त्या ज्येष्ठ भगिनी होत. (सिंधुदुर्गनगरी हे जिल्ह्याचे मुख्यालय आहे. येथे अनेक सरकारी कार्यालये आहेत. त्यामुळे येथील रस्त्यांवर मोठ्या प्रमाणात वर्दळ असते. असे असतांना मुख्यालयातील रस्त्यांची धोकादायक स्थिती का ? – संपादक)