सनातन संस्थेचे दुसरे बालसंत पू. वामन राजंदेकर (वय ७ वर्षे) यांची सूक्ष्म ज्ञानप्राप्तकर्त्या सुश्री मधुरा भोसले यांनी वर्णिलेली आध्यात्मिक गुणवैशिष्ट्ये !

१० सप्टेंबरला प्रसिद्ध झालेल्या लेखात ‘पू. वामन राजंदेकर यांच्यातील पंचतत्त्वांचे प्रमाण आणि त्यामुळे त्यांच्यात कार्यरत गुणवैशिष्ट्ये, त्याविषयी त्यांच्या कुटुंबियांना आलेल्या अनुभूती आपण पाहिल्या. आज पू. वामन राजंदेकर यांच्या विविध जन्मांचे आध्यात्मिक महत्त्व जाणून घेऊया.    
(भाग ३)

लेखाचा मागील भाग वाचण्यासाठी येथे क्लिक करा – https://sanatanprabhat.org/marathi/954871.html

६. पू. वामन राजंदेकर यांच्या विविध जन्मांचे आध्यात्मिक महत्त्व !

टीप १ – १. थोर ऋषि वामदेव : ‘वामदेव ऋषि हे पराशर ऋषींचे मित्र आणि गणेशोपासक ऋषि होते. त्यांची मैत्री देवगुरु बृहस्पती यांच्याशी होती आणि ते सदेह स्वर्गलोकातही जात असत. तेथे ते इंद्रसभेत उपस्थित राहून इंद्राला धर्माचरण आणि साधना यांच्या संदर्भात मार्गदर्शन करत असत. त्यांचा जन्म त्रेतायुगात झाला होता आणि ते द्वापरयुगातही कार्यरत होते. त्यानंतर त्यांनी देहत्याग केला.’ (संदर्भ – सूक्ष्मातून मिळालेले ज्ञान)

टीप २ – पू. वामन जन्मतःच संत असल्यामुळे त्यांच्या जन्मापूर्वी आणि त्यांच्या जन्मानंतर त्यांचे दर्शन घेण्यासाठी विविध पुण्यात्मे, सिद्धयोगी आणि देवदेवता सूक्ष्म रूपात किंवा फुलपाखरे किंवा पशूपक्षी यांच्या स्वरूपात येतात अन् त्यांच्या चरणांवर सूक्ष्मातून फुले वाहून जातात. ते जेव्हा पू. वामन यांना भेटतात, तेव्हा पू. वामन यांच्या देहावर, तसेच त्यांच्या आजूबाजूला पुष्कळ प्रमाणात सोनेरी, चंदेरी आणि रंगीबेरंगी दैवी कण मिळतात अन् त्यांच्याभोवती नेहमी दैवी सुगंधही दरवळत असतो.

 (क्रमशः)

– सुश्री मधुरा भोसले (आध्यात्मिक पातळी ६५ टक्के), सनातन आश्रम, रामनाथी, गोवा. (ज्ञान मिळण्याचा दिनांक १.८.२०२५)

लेखाचा पुढील भाग वाचण्यासाठी येथे क्लिक करा- https://sanatanprabhat.org/marathi/955619.html