Pu. Asaram Bapu Bail : संतश्री पू. आसारामजी बापू यांचा अंतरिम जामीनाचा कालावधी वाढवण्यास राजस्थान उच्च न्यायालयाचा नकार

३० ऑगस्टला पुन्हा कारागृहात जावे लागणार

जोधपूर (राजस्थान) – राजस्थान उच्च न्यायालयाने संतश्री पू. आसारामजी बापू यांच्या अंतरिम जामिनाचा कालावधी वाढवण्यास नकार दिला. त्यामुळे त्यांना ३० ऑगस्ट या दिवशी सकाळी १० वाजेपर्यंत जोधपूर मध्यवर्ती कारागृहात शिक्षा भोगण्यासाठी जावे लागणार आहे. ते गुजरात आणि राजस्थान राज्यांमध्ये बलात्काराच्या प्रकरणांमध्ये जन्मठेपेची शिक्षा भोगत आहेत. गेल्या काही महिन्यांपासून ते वैद्यकीय कारणांमुळे अंतरिम जामिनावर बाहेर आहेत. कर्णावती नागरी रुग्णालयातून मिळालेल्या वैद्यकीय अहवालाच्या आधारे न्यायालयाने अंतरिम जामीन वाढवण्याची याचिका फेटाळून लावली आहे. न्यायालयाने म्हटले आहे की, वैद्यकीय अहवालानुसार आसाराम बापू यांची प्रकृती इतकी गंभीर नाही की, त्यांचा अंतरिम जामीन वाढवावा.