सनातन प्रभात > Post Type > बातम्या > आंतरराष्ट्रीय बातम्या > Pakistan Attack in Poonch : ‘ऑपरेशन सिंदूर’नंतर पाककडून जम्मू-काश्मीर सीमेवर गोळीबार : १२ नागरिकांचा मृत्यू

Pakistan Attack in Poonch : ‘ऑपरेशन सिंदूर’नंतर पाककडून जम्मू-काश्मीर सीमेवर गोळीबार : १२ नागरिकांचा मृत्यू

गुरुद्वारावर डागले तोफगोळे

गोळीबारामध्ये घायाळ नागरिक

जम्मू (जम्मू-काश्मीर) – भारताने ‘ऑपरेशन सिंदूर’द्वारे पाकमधील आतंकवादी तळांवर कारवाई केल्यानंतर चवताळलेल्या पाकच्या सैन्याने जम्मूतील पुंछमधील नियंत्रण रेषेवर गोळीबार करत तोफगोळेही डागले. पाकने या भागातील निवासी क्षेत्रे, सरकारी इमारती आणि सार्वजनिक ठिकाणी हा गोळे डागले. यात १२ नागरिकांचा मृत्यू झाला, तर ४० हून अधिक जण घायाळ झाले. या आक्रमणात एका भारतीय सैनिकाला वीरमरण आले. पाकिस्तानी सैन्याने येथील गुरुद्वारा श्री गुरु सिंह सभा साहिबवर तोफगोळे डागले. यात ३ जणांचा मृत्यू झाला. शिरोमणी अकाली दलाने पाकिस्तानी सैन्याच्या या अमानुष कृत्याचा तीव्र निषेध केला.

१. काश्मीरमध्ये उरी आणि तंगधार सेक्टर येथेही पाककडून गोळीबार करण्यासह तोफगोळे डागण्यात आले. गेल्या १३ दिवसांपासून पाककडून जम्मू-काश्मीरच्या सीमेवर सलग गोळीबार करण्यात येत आहे.

२. जम्मू-काश्मीरमधील बांदीपोरा, बारामुला, बडगाम, जम्मू, कठुआ, कुपवाडा, राजौरी, सांबा येथे, तर पंजाबमधील अमृतसर, फाजिल्का, फिरोजपूर, गुरुदासपूर, पठाणकोट, तरन-तारन येथे गोळीबार करण्यात आला.

३. पाकिस्तानच्या गोळीबारामुळे राजस्थान आणि गुजरात येथील पाक सीमेवर सतर्कतेची चेतावणी देण्यात आली आहे.

नूतन लेख