कल्याण वाहतूक विभागाचा लाचखोर वाहतूक वॉर्डन कह्यात !

ठाणे, ३ एप्रिल (वार्ता.) – तक्रारदारांची दुचाकी कल्याण येथील वाहतूक पोलिसांनी कल्याण रेल्वे स्थानक परिसरातून जप्त केली होती. ती सोडवण्यासाठी वाहतूक पोलिसाने तक्रारदारांकडे ३ सहस्र रुपये मागितले. तडजोडीअंती ठरलेली २ सहस्र रुपयांची रक्कम घेतांना कल्याण वाहतूक उपशाखेचा वाहतूक वॉर्डन (वाहतूक पोलिसांच्या साहाय्यासाठी नेमलेली व्यक्ती) वैभव शिरसाट (वय २६ वर्षे) याला ठाणे लाचलुचपत प्रतिबंधक विभागाने कह्यात घेतले.