सनातन प्रभात > Post Type > बातम्या > आंतरराष्ट्रीय बातम्या > Bangladesh Hindu Attack : बांगलादेशामध्ये गेल्या ५ दिवसांत हिंदूंच्या ६ मंदिरांवर आक्रमण आणि लूट

Bangladesh Hindu Attack : बांगलादेशामध्ये गेल्या ५ दिवसांत हिंदूंच्या ६ मंदिरांवर आक्रमण आणि लूट

२ हिंदूंची हत्या आणि एकाचे अपहरण

ढाका (बांगलादेश) – बांगलादेशात हिंदूंवरील अत्याचार थांबण्याऐवजी प्रतिदिन त्यात वाढच होत आहे. गेल्या ५ दिवसांत धर्मांध मुसलमानांनी ६ मंदिरांना लक्ष्य केले आहे. यांपैकी चितगावमधील हातझारी येथे ४, तर कॉक्सबाजार आणि लाल मोनिरहाट येथे प्रत्येकी एका मंदिरावर आक्रमण करण्यात आले. अन्य घटनांमध्ये २ हिंदूंची हत्या आणि एकाचे अपहरण झाले आहे. मृतांमध्ये निवृत्त महाविद्यालयीन शिक्षक दिलीप कुमार रॉय (वय ७१ वर्ष) यांची त्यांच्या घरात घुसून हत्या करण्यात आली. जलखाठी जिल्ह्यात २६ वर्षीय व्यापारी सुदेव हलदर यांची गळा चिरून हत्या करण्यात आली. या घटनांमधील एकाही आरोपीला पकडण्यात पोलिसांना यश आले नाही.

१. चितगावमध्ये मां विश्‍वेश्‍वरी काली मंदिरातील सोन्याचे दागिने आणि दानपेटी लुटण्यात आली. त्याचसमवेत सत्यनारायण सेवा आश्रम, मां मगधेश्‍वरी मंदिर आणि जगबंधू आश्रम येथेही चोरीच्या घटना घडल्या. कॉक्सबाजार येथील श्रीमंदिरातही चोरीच्या घटना घडल्या आहेत. येथे चोरट्यांनी सीसीटीव्ही रेकॉर्डिंग नष्ट केले.

२. चितगाव येथील हिंदु सरपंच चंदन महाजन यांना त्यागपत्र देण्यास धर्मांधांनी भाग पाडले. त्याचवेळी गायबांडा जिल्ह्यात एका हिंदु महिलेच्या घराला आग लावण्यात आली. धलग्राम युनियनमध्ये २ हिंदूंच्या घरांवर दरोडा टाकल्याची घटना घडली.

बांगलादेश सरकार धर्मांध ! – बांगलादेश हिंदू-बौद्ध-ख्रिश्‍चन एकता परिषद

‘बांगलादेश हिंदू-बौद्ध-ख्रिश्‍चन एकता परिषदे’चे कार्यवाहक सरचिटणीस मनिंद्र कुमार नाथ म्हणाले की, सध्याचे अंतरिम सरकार धर्मांध आहे. कोणतेही हिंसक कृत्य न करता आम्हाला हिंसाचाराचा सामना करावा लागत आहे. या संदर्भात सरकारची उदासीनता आम्हाला नव्याने विचार करण्यास भाग पाडत आहे.

संपादकीय भूमिका

बांगलादेशातील असुरक्षित हिंदू आणि त्यांची मंदिरे !

नूतन लेख