पुणे येथे सराईत चोरट्याच्या जामीनासाठी बनावट कागदपत्रे सादर केली

७ जणांविरोधात वानवडी पोलीस ठाण्यात गुन्हा नोंद

पुणे – लष्कर न्यायालयात सराईत चोरट्याला जामीन देण्यासाठी बनावट (खोट्या) कागदपत्रे सादर करण्यात आल्याचा प्रकार वानवडी पोलिसांनी उघड केला. या प्रकरणी संतोष तेलंगसह ७ जणांवर गुन्हा नोंद करून पोलीस कर्मचारी सोमनाथ कांबळे यांनी वानवडी पोलीस ठाण्यात तक्रार प्रविष्ट केली आहे.

सराईत चोरटा बच्चनसिंह भोड याला कोंढवा पोलिसांनी चोरीच्या गुन्ह्यात अटक केली होती. भोंडविरोधात ४ गुन्हे नोंद आहेत. यात भोंडला जामीन मिळवून देण्यासाठी लष्कर न्यायालयातील एका अधिवक्त्यांकडून तेलंग आणि त्याच्या साथीदारांनी आधारकार्ड, शिधापत्रिका ही कागदपत्रे सादर केली. त्याची पडताळणी केल्यावर ती बनावट असल्याचे उघड झाले.