Akhnoor Army Ambulance Attacked : अखनूरमध्ये सैन्याच्या रुग्णवाहिकेवर आतंकवाद्यांचे आक्रमण – जीवित हानी नाही

श्रीनगर (जम्मू-काश्मीर) – अखनूर येथे नियंत्रण रेषेजवळ खौरच्या भट्टल भागात असन मंदिराजवळ जिहादी आतंकवाद्यांनी सैन्याच्या एका रुग्णवाहिकेवर गोळीबार केला. यात कोणतीही जीवित हानी झाली नाही. गोळीबारानंतर सैन्याने परिसराला वेढा घातला आणि शोधमोहीम राबवली, ज्याचे चकमकीत रूपांतर झाले. सैन्य आणि आतंकवादी यांमध्ये उशिरापर्यंत गोळीबार चालू होता.

यापूर्वी २४ ऑक्टोबरच्या रात्री उशिरा आतंकवाद्यांनी सैन्याच्या वाहनावर आक्रमण केले होते. यामध्ये ३ सैनिकांसह सैन्याचे २ हमाल वीरगतीला प्राप्त झाले होते.