आतापर्यंत २ सहस्र ५०० बांधकामांना नोटीस जारी, अजूनही सर्वेक्षण चालू !
पिंपरी (पुणे) – शहरांमधून वहाणार्‍या पवना, इंद्रायणी आणि मुळा या नद्यांना आलेल्या पुराच्या पार्श्वभूमीवर निळ्या पूररेषेतील बांधकामांचे महापालिकेने सर्वेक्षण (मोजणी आणि पहाणी) चालू केले आहे. सर्वेक्षणामध्ये २ सहस्र ५०० बांधकामे आढळली आहेत. त्यामध्ये निवासी आणि व्यावसायिक बांधकामांचा समावेश आहे. अनधिकृत बांधकामधारकांना महापालिकेने नोटीस पाठवली आहे. पवना नदीची महापालिका हद्दीतील लांबी २४.३४ कि.मी., इंद्रायणी नदीची लांबी २०.८५ कि.मी., तर मुळा नदी शहराच्या सीमेवरून १० कि.मी. लांबीने वहाते. या नद्यांच्या पुराची सरासरी निश्चिती करून ‘निळी पूररेषा’ ठरवली आहे. या पूररेषेत बांधकाम करता येत नाही. तरीही तेथे अनधिकृत बांधकामे करण्यात येत आहेत.
पुराचे पाणी बांधलेल्या घरांमध्ये शिरते आणि मालमत्तेची हानी होते. या बांधकामांना नोटिसा दिल्या आहेत, तसेच ओढा आणि नाल्यांवरील अतिक्रमण अन् बांधकामे काढण्यात येणार आहेत. ‘राष्ट्रीय हरित लवादा’ने दिलेल्या आदेशानुसार इंद्रायणीच्या पूररेषेतील चिखली परिसरातील अनधिकृत बांधकामे पाडण्यात येणार आहेत.
संपादकीय भूमिकाअनधिकृत बांधकामे होईपर्यंत प्रशासनातील अधिकारी झोपा काढत होते का ? या बांधकामांना उत्तरदायी असलेल्या अधिकार्‍यांवरही कारवाई झाली पाहिजे. |
पुणे येथील २ गणेशोत्सव मंडळांवर पोलिसांकडून गुन्हे नोंद !
पुणे येथील श्री चतु:श्रृंगी मंदिर २९ सप्टेंबरपासून भाविकांसाठी खुले !
लोहगाव (पुणे) येथे ‘गायत्री परिवारा’च्या वतीने महिलांसाठी ‘यत्र नार्यस्तु पूज्यन्ते’ या कार्यक्रमाचे आयोजन !
सोलापूर रस्ता ते पुणे-बेंगळूरू रस्त्याच्या रिंगरोडसाठी ८ आस्थापनांकडून निविदा !
हुपरी येथील अवैध मदरशावर कारवाई होण्यासाठी हिंदुत्वनिष्ठांच्या आमरण उपोषणास प्रारंभ : आज महाआरती !
अकोला येथे जुलुसामध्ये धर्मांधांनी आतंकवादी आणि गुन्हेगार यांची चित्रे झळकावली !