‘१९.१.२०२४ ते २१.१.२०२४ या कालावधीत रामनाथी (गोवा) येथील सनातनच्या आश्रमात झालेल्या ‘साधकत्ववृद्धी शिबिरा’त सहभागी होण्याची संधी मला मिळाली होती. त्या वेळी मला शिकायला मिळालेली सूत्रे आणि आलेल्या अनुभूती येथे दिल्या आहेत.
१. अश्विनी कुलकर्णी यांच्याकडून ‘चूक कशी सांगावी ?’, हे शिकणे
अश्विनी कुलकर्णी यांनी पहिल्या दिवशी सर्व साधिकांसमोर एक चूक सांगितली. तेव्हा ‘सहसाधिकांना स्वतःची चूक कशी सांगायची ?’, हे मला शिकता आले, तसेच मला ताईंकडून गुरुकार्याची तळमळ, साधकांप्रती संवेदनशीलता, लढाऊ वृत्ती आणि प्रेमभाव शिकता आला.
२. सद्गुरु डॉ. मुकुल गाडगीळ आध्यात्मिक प्रयोगांचे विश्लेषण करत असतांना शिकायला मिळालेली सूत्रे आणि आलेल्या अनुभूती
२ अ. सद्गुरु डॉ. मुकुल गाडगीळ यांच्या ठिकाणी मला अधून मधून गुरुदेवांचे रूप दिसत होते.
२ आ. सद्गुरु गाडगीळकाका यांचे चरण आणि डोळे यांकडे पाहिल्यावर साधिकेला ती गतीने पोकळीत जात असल्याचे जाणवणे : सद्गुरु गाडगीळकाका यांचे आगमन झाल्यावर मी प्रथम सद्गुरु काकांच्या चरणांकडे आणि नंतर त्यांच्या डोळ्यांकडे पाहिले. तेव्हा ‘मी नामजप करत गतीने एका पाेकळीत जात आहे’, असे मला वाटले. बर्‍याच वेळाने तो प्रवास थांबला. सद्गुरु काकांच्या डोळ्यांतून प्रक्षेपित होणार्‍या तेजतत्त्वामुळे ‘माझ्यावरील अनिष्ट शक्तीचे आवरण गळून पडत आहे’, असे मला जाणवत होते.
२ इ. सद्गुरु गाडगीळकाका यांनी घेतलेल्या वायुतत्त्वाच्या प्रयोगांत साधिकेचा हात विविध दिशांनी हलणे : सद्गुरु गाडगीळकाका यांनी वायुतत्त्वाचे प्रयोग घेतले. तेव्हा साधकांनी हात वर केले आणि डोळे बंद केले. सद्गुरु काकांनी प्रयोग चालू केल्यावर माझा हात हलू लागला. नंतर माझा हात घड्याळाच्या काट्याच्या दिशेने गोलाकार फिरू लागला. नंतर माझा हात घड्याळाच्या काट्याच्या उलट दिशेने फिरू लागला. माझा हात हलण्याची गती पुष्कळ वाढत होती. तेव्हा मला पुष्कळ आनंद झाला.
– डॉ. (सौ.) सायली यादव (वय ४३ वर्षे), मुलुंड, मुंबई. (२१.१.२०२४)
|
साधिकेच्या मनाची स्थिती नकारात्मक झाली असतांना वेळोवेळी तिला पू. (सौ.) अश्विनी पवार यांचे साहाय्य मिळणे
भगवान नृसिंहाप्रती अपार भाव असणारे मंगळुरू (कर्नाटक) येथील ६२ टक्के आध्यात्मिक पातळीचे श्री. विठ्ठल किणी (वय ७९ वर्षे) !
साधक मुले आणि समाजातील मुले यांच्यात साधिकेला जाणवलेला भेद 
सच्चिदानंद परब्रह्म डॉ. जयंत आठवले साधिका आणि तिचे यजमान यांची काळजी तिची सून अन् अन्य साधक यांच्या माध्यमातून घेत असणे आणि साधिकेला तिच्या नातेवाइकांबद्दल वाटत असलेली काळजी सच्चिदानंद गुरुदेवांच्या कृपेने दूर होणे