पू. ह.भ.प. धोंडिराम कृष्णा रक्ताडे महाराज हे वाळवे बद्रुक (जिल्हा कोल्हापूर) येथील आहेत. वर्ष १९८२ मध्ये त्यांनी काडसिद्धेश्वर महाराज यांच्याकडून गुरुमंत्र घेतला, तसेच पंढरपूर येथील नामदेव टेंभूकर महाराज यांच्या मार्गदर्शनाखाली ते सांप्रदायिक अनुयायी बनले. त्यांनी १६ सहस्रांपेक्षा अधिक अभंगांची निर्मिती केली असून हे सर्व अभंग त्यांना स्फुरलेले आहेत. हे अभंग सर्वसामान्य मनुष्याला समजतील असे साधे, सोपे आणि भक्तीचा अवीट गोडवा असलेले आहेत. त्यातील काही अभंग प्रसिद्ध करत आहोत.
कलियुगा माझी विनंती । जिवांना लाभो सद्गती ।। १ ।।
जगी नांदावा बंधुभाव । जिवातील जाणावा देव ।। २ ।।
माझा नमस्कार स्वीकारावा । सर्वांना आशीर्वाद द्यावा ।। ३ ।।
भोगातून योग साधावा । कल्याण मार्ग जाणावा ।। ४ ।।
कलीत उद्धरणं सोपं । भावे करा ईश्वर जप ।। ५ ।।
– ह.भ.प. धोंडिबा रक्ताडे (महाराज), वाळवे
(साभार : ग्रंथ ‘धोंडिबाची अभंगवाणी’, खंड – १)
हिंदु जनजागृती समितीचे युवा संघटक श्री. हर्षद खानविलकर यांना सच्चिदानंद परब्रह्म डॉ. आठवले साधकांकडून करून घेत असलेल्या साधनेचे महत्त्व लक्षात येणे
कुटुंबियांना साधनेचे महत्त्व पटवून देऊन त्यांना तळमळीने साधनेस प्रवृत्त करणारे बांदोडा (गोवा) येथील श्री. दीपक छत्रे !
सात्त्विकतेची ओढ असलेली सनीवेल (कॅलिफोर्निया), अमेरिका येथील चि. मीरा मयूर अवघडे (वय १ वर्ष) !
म्हातारपणी देवाचे नाव आठवण्यासाठी तरुणपणातच नामस्मरणाचा संस्कार मनावर करणे आवश्यक असणे