नवी देहली – बांगलादेशातील सत्तापालटानंतर कट्टरतावाद्यांच्‍या वर्चस्‍वामुळे निर्माण झालेले अराजक तेथील हिंदु समाजासाठी चिंतेचा विषय बनला आहे. हिंदूंवर आक्रमणे होत आहेत. मुळातच बांगलादेशात भेदभाव आणि अत्‍याचार यांचा सामना करत असलेल्‍या हिंदूंची लोकसंख्‍या सातत्‍याने न्‍यून होत आहे. वर्ष १९५१ च्‍या तुलनेत आज बांगलादेशाच्‍या एकूण लोकसंख्‍येमध्‍ये हिंदूंचा वाटा १४ टक्‍क्‍यांनी अल्‍प झाला आहे. प्रतिवर्षी बांगलादेशातील २ लाख ३० सहस्र हिंदूंना देश सोडण्‍यास भाग पाडले जाते.
Save Bangladeshi Hindus
2.3 lakh Hindus in Bangladesh are forced to leave the country every year.
From 22% in 1951 the Hindu population has drastically come down to less than 8%
Pathetic Condition of Hindus in I$l@mic nations!
Note that no I$l@mic nation in the world speaks… pic.twitter.com/cr2Wocq43S
— Sanatan Prabhat (@SanatanPrabhat) August 6, 2024
१. बांगलादेशामध्‍ये ‘वेस्‍टेड प्रॉपर्टी अ‍ॅक्‍ट’च्‍या (शत्रू मालमत्ता कायदाच्‍या) अंतर्गत वर्ष १९६५ ते २००६ या काळात हिंदूंच्‍या मालकीची सुमारे २६ लाख एकर भूमी कह्यात घेण्‍यात आली. याचा फटका १२ लाख हिंदु कुटुंबांना बसला.
२. वर्ष १९८० ते १९९० या काळात हिंदूंच्‍या विरोधात कट्टरतावादी चळवळी मोठ्या प्रमाणात वाढल्‍या. वर्ष १९९२ मध्‍ये अयोध्‍येतील बाबरी ढाचा पाडल्‍यानंतर चितगाव आणि ढाका येथे अनेक हिंदु मंदिरांना आग लावण्‍यात आली होती.
३. बांगलादेश मुक्‍ती युद्धाच्‍या काळात हिंदूंना लक्ष्य करण्‍यात आले; कारण अनेक पाकिस्‍तानी त्‍यांना फुटीरतेसाठी दोषी मानत होते. वर्ष १९५१ च्‍या अधिकृत जनगणनेनुसार बांगलादेशाच्‍या (तत्‍कालीन पूर्व पाकिस्‍तानच्‍या) एकूण लोकसंख्‍येच्‍या २२ टक्‍के हिंदू होते. वर्ष १९९१ पर्यंत ही संख्‍या १५ टक्‍क्‍यांंवर घसरली. वर्ष २०११ च्‍या जनगणनेत ही संख्‍या केवळ ८.५ टक्‍क्‍यांवर आली. वर्ष २०२२ मध्‍ये ते ८ टक्‍क्‍यांपेक्षा अल्‍प झाले आहे. त्‍याच वेळी मुसलमानांनी लोकसंख्‍या वर्ष १९५१ मध्‍ये असलेल्‍या ७६ टक्‍क्‍यांवरून वर्ष २०२२ मध्‍ये ९१ टक्‍क्‍यांहून अधिक झाली आहे.
४. हिंदू अमेरिकन फाऊंडेशनच्‍या अहवालानुसार वर्ष १९६४ ते २०१३ या काळात धार्मिक छळामुळे १ कोटी १० लाखांहून अधिक हिंदूंनी बांगलादेशातून पलायन केले. वर्ष २०११ च्‍या जनगणनेत वर्ष २००० ते २०१० या काळात देशाच्‍या लोकसंख्‍येतून १० लाख हिंदू गायब झाल्‍याचे उघड झाले.
५. बांगलादेशात जानेवारी ते जून २०१६ या काळात हिंदूंना लक्ष्य करणार्‍या हिंसाचारात ६६ घरे जाळली गेली, २४ लोक घायाळ झाले आणि किमान ४९ मंदिरे नष्‍ट झाली.
संपादकीय भूमिकाइस्लामी देशांतील हिंदूंची स्‍थिती ! याविषयी जगातील एकही इस्‍लामी देश हिंदूंच्‍या बाजूने बोलत नाही, हे लक्षात घ्‍या ! |
नेरूळच्या अनधिकृत मशिदीसह सर्व गडदुर्गांवरील अनधिकृत बांधकामे पाडा ! – सतीश कोचरेकर, हिंदु जनजागृती समिती पनवेल येथे पत्रकार परिषद
चित्रपटाच्या माध्यमातून हिंदु धर्माला नष्‍ट आणि भ्रष्ट करण्याचे षड्यंत्र आहे ! – आनंद जाखोटिया, मध्यप्रदेश आणि राजस्थान समन्वयक, हिंदु जनजागृती समिती
रशियाच्या आंतरखंडीय क्षेपणास्त्र आक्रमणानंतर युक्रेनची संसद बंद
China Gold Reserves : चीनमध्ये सापडला सोन्याचा सर्वांत मोठा साठा !
ICC Arrest Warrant Against Israel PM : नेतान्याहू आमच्या देशात आले, तर अटक करू ! – ब्रिटन, इटली, नेदरलँड आणि कॅनडा
Nijjar Murder Case : भारत किंवा पंतप्रधान मोदी यांच्या विरोधात कोणताही पुरावा नाही ! – ट्रुडो सरकार