Vandalization Ram-Janaki Temple : रांची (झारखंड) येथील राम-जानकी मंदिरात अज्ञातांकडून चोरी करून मूर्तींची तोडफोड !

रांची (झारखंड) – येथील बरियातू भागातील राम-जानकी मंदिरांमध्ये अज्ञात चोरट्यांनी चोरी करून मंदिरांतील मूर्तीची तोडफोड केली. यामुळे येथे तणाव निर्माण झाला आहे. हिंदूंनी रस्ता बंद करून आंदोलन केले. त्यामुळे येथे मोठ्या प्रमाणात पोलीस बंदोबस्त ठेवण्यात आला. पोलीस या घटनेची चौकशी करत आहेत. घटनास्थळी भाजपचे खासदार संजय सेठ, आमदार सी.पी. सिंह आणि आमदार समरी लाल पोचले होते.  खासदार संजय सेठ म्हणाले की, अयोध्येत २२ जानेवारीला श्रीराममंदिराचे उद्घाटन होत असल्याच्या पार्श्‍वभूमीवर येथील वातावरण बिघडवण्याचा प्रयत्न केला जात आहे. आम्ही हे षड्यंत्र यशस्वी होऊ देणार नाही.

(सौजन्य : Prabhat Khabar)

(ही छायाचित्रे / व्हिडिओ देण्यामागे कुणाच्याही धार्मिक भावना दुखावण्याचा आमचा उद्देश नसून सर्वांना वस्तूस्थिती कळावी, या उद्देशाने हे प्रसिद्ध केले आहेत. –  संपादक)