पुणे शहरात बांगलादेशी घुसखोरांचा सुळसुळाट !

मुंबई, २७ जून (वार्ता.) – पुणे शहरात विशेष पथकांद्वारे वर्ष २०२६ मध्ये जानेवारीपासून राबवलेल्या शोध मोहिमेमध्ये काही बांगलादेशी घुसखोरांना पकडण्यात आले आहे. पकडण्यात आलेल्या घुसखोरांपैकी ६८ जणांना बांगलादेशात धाडण्यात आले आहे. यामध्ये ४९ महिला, १६ पुरुष आणि ३ मुले यांचा समावेश आहे. पुणे शहरात करण्यात आलेल्या कारवाईच्या अंतर्गत बांगलादेशात धाडण्यात आलेल्या घुसखोरांची ही संख्या गृहविभागाकडून एका तारांकित प्रश्नावर विधानसभेत लेखी स्वरूपात देण्यात आली आहे. प्रत्यक्षात पकडण्यात आलेल्या बांगलादेशी घुसखोरांची संख्या अधिक असण्याची शक्यता आहे.