कॅनडामध्ये खलिस्तान्यांनी हिंदूंच्या मंदिराला घेराव घालत केली भारतविरोधी निदर्शने !

भारतीय राष्ट्रध्वज पायदळी तुडवला !

ओटावा (कॅनडा) – कॅनडाच्या टोरँटो येथील मिसिसॉगा भागातील कालीबारी मंदिराला २५ नोव्हेंबरच्या सायंकाळी खालिस्तानवाद्यांनी घेराव घालत निदर्शने केल्याची घटना घडली. या वेळी खलिस्तान्यांनी भारतीय राष्ट्रध्वज पायदळी तुडवत त्याचा अवमानही केला. घेराव घालणारे खलिस्तानी हरदीप सिंह निज्जर याच्या हत्येत भारत आणि त्याच्या राजनैतिक अधिकारी यांचा सहभाग असल्याचा आरोप करत होते, तसेच त्यांनी भारतीय हिंदूंना त्यांचे समर्थन करण्याचे आवाहनही केले.

स्थानिक हिंदूंकडून खलिस्तानी चळवळ दडपण्यासाठी पैसे गोळा करून तो भारतीय राजनैतिकांना देण्यात आल्याचा आरोपही खलिस्तान्यांनी केला. (खलिस्तान्यांसाठी भारतातून किती जण पैसे गोळा करतात, याची चौकशी भारताने केली पाहिजे आणि संबंधितांना देशद्रोहाच्या अंतर्गत कारागृहात डांबले पाहिजे ! – संपादक)