Strait Of Hormuz : इराणला आता असे शस्त्र मिळाले आहे, जे अणूबाँबपेक्षा अधिक प्रभावी !

वॉशिंग्टन (अमेरिका) – अमेरिका-इराण यांच्यातील वाटाघाटीच्या पार्श्वभूमीवर अमेरिकेच्या गुप्तचर संस्थांनी एक अहवाल प्रसारित केला आहे.१९ जूनला उभय देशांमध्ये युद्धबंदीविषयी झालेल्या करारावर औपचारिक स्वाक्षरी केली जाणार असून त्यानंतर इराणच्या परमाणू कार्यक्रमावर बोलणी चालू होणार आहे. असे असले, तरी गुप्तचर संस्थांच्या अहवालानुसार युद्धानंतर इराण पूर्वीपेक्षा अधिक शक्तीशाली झाला आहे.

युद्धाच्या काळात इराणने हॉर्मुझ सामुद्रधुनी (२ जलाशयांना जोडणारा जलमार्ग) बंद करून जगाची आर्थिक कोंडी केली होती. यापुढेही इराण त्याला हवे तेव्हा हॉर्मुझ सामुद्रधुनी येथून होणारी नौकांची वाहतूक बंद करू शकणार आहे. युद्धानंतर इराणकडे जागतिक अर्थव्यवस्थेला हानी पोचवण्याची या माध्यमातून ही एक नवीन शक्तीशाली क्षमता प्राप्त झाली आहे. अमेरिकी अधिकार्‍यांचे मत आहे की, इराणला असे शस्त्र मिळाले आहे, जे अणूबाँबपेक्षा अधिक प्रभावी आहे.