पाकमधून सौदी अरेबियामध्ये भीक मागण्यासाठी जाणार्‍या १६ पाकिस्तान्यांना विमानातूनच उतरवले !

मुलतान (पाकिस्तान) – जगामध्ये भीक मागतांना पकडण्यात येणार्‍यांमध्ये सर्वाधिक म्हणजे ९० टक्के लोक पाकिस्तानी असतात, असे स्वतः पाकिस्तान सरकारच्या एका समितीकडूनच सांगण्यात आल्याच्या दोनच दिवसांनंतर पाकच्या मुलतान येऊन सौदी अरेबिया येथे जाणार्‍या १६ पाकिस्तानी भिकार्‍यांना विमानातून खाली उतरवण्यात आले.  यात ११ महिला, ४ पुरुष आणि १ मुलगा यांचा समावेश आहे. हे सर्व जण हज यात्रेच्या नावाखाली सौदी अरेबियामध्ये जात होते. त्यांना अधिक चौकशीसाठी अटक करण्यात आली आहे.

Pakistan: 16 beggars heading to Saudi Arabia to beg for money removed from the flight at Multan airport https://t.co/SUXrKA0pJz

— OpIndia.com (@OpIndia_com) October 1, 2023

विमानतळावरील अधिकार्‍यांनी या सर्वांची चौकशी केली असता त्यांनी मान्य केले की, ते भीक मागण्यासाठी सौदी अरेबियामध्ये जात होते. तसेच त्यांनी हेही मान्य केले की, ते भीक मागून जी काही रक्कम कमावणार होते, त्यातील अर्धी रक्कम त्यांना तेथे पाठवण्यासाठी व्यवस्था करणार्‍या हस्तकांना द्यावी लागणार होती.