पुणे – गणेशोत्‍सवाच्‍या वेळी भाविकांची असुविधा टाळण्‍यासाठी लोकसहभागातून २०० स्‍वच्‍छतागृहांची सुविधा उपलब्‍ध करून दिली जाणार आहे, तसेच गरोदर महिलांना आरामासाठी ३ ‘व्‍हॅनिटी व्‍हॅन’ (सर्व सोयींनी युक्‍त गाडी) स्‍वरूपात हिरकणी कक्ष, पोलीस आणि महापालिका कर्मचार्‍यांसाठी विनामूल्‍य भोजन व्‍यवस्‍था करण्‍यात येणार आहे. गणेशोत्‍सवाचे शेवटचे ३ दिवस आणि अनंत चतुर्दशीला ही व्‍यवस्‍था पुणे शहरातील गर्दीच्‍या ठिकाणी करण्‍यात येईल. पालकमंत्री, राज्‍याचे उच्‍च आणि तंत्रशिक्षण मंत्री चंद्रकांत पाटील यांनी ही सुविधा देण्‍यासाठी पुढाकार घेतला आहे.
देशभरातील भाविकांचे पुण्‍याचा गणेशोत्‍सव प्रमुख आकर्षण आहे. शहरातील गणेशोत्‍सव मंडळांची सजावट, देखावे पहाण्‍यासाठी अन्‍य शहरांतून मोठ्या प्रमाणावर नागरिक येत असतात. या कालावधीत शहरातील अपुर्‍या स्‍वच्‍छतागृहांमुळे नागरिकांची विशेषत: महिलांची मोठी अडचण होते. या वेळी या सुविधेमुळे श्री गणेशभक्‍तांची असुविधा होणार नसून उत्‍सवाचा आनंद सहज लुटता येईल, असे पाटील यांनी सांगितले.
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्‍यात आलेली विशेष रूपातील पूजा !
जोपर्यंत देशात अखंड एकता आहे, तोपर्यंत भारताला कुणीही तोडू शकत नाही ! – माधवी लता, भाजप नेत्या
निवडणूक विशेष
श्री भवानीमातेच्या दर्शनाने ‘हिंदू जोडो’ यात्रेच्या जनजागृतीला तुळजापूर येथून प्रारंभ