पुणे – पी.एम्.पी.एम्.एल्. (पुणे महानगर परिवहन महामंडळ लिमिटेड) प्रशासनाकडून गणेशोत्‍सवाच्‍या पार्श्‍वभूमीवर प्रतिवर्षीप्रमाणे यंदाही पुणे आणि पिंपरी-चिंचवड शहरामध्‍ये जादा बसगाड्या सोडण्‍याचे नियोजन केले आहे.
१९ ते २८ सप्‍टेंबर २०२३ या कालावधीमध्‍ये २७० जादा बसगाड्या पुणेकरांना सेवा पुरवतील, असे पी.एम्.पी.एम्.एल्. प्रशासनाने सांगितले. गणेशोत्‍सवातील देखावे पहाण्‍यासाठी शहराबाहेरून आणि शहरांतर्गत नागरिक मोठ्या संख्‍येने घराबाहेर पडतात. त्‍यामुळे बसगाड्यांना मोठ्या प्रमाणावर गर्दी होत असते. त्‍यामुळे प्रवाशांच्‍या सोयीसाठी विविध भागांतून जादा बस सोडल्‍या जाणार आहेत. दैनंदिन संचलन गणेशोत्‍सव कालावधीमध्‍ये रात्री १० वाजल्‍यानंतर बंद रहाणार असून त्‍यानंतर सर्व बस ‘यात्रा स्‍पेशल’ म्‍हणून संचलनात रहातील. त्‍यामुळे या वेळी ५ रुपये जादा तिकीट दर आकारणी करण्‍यात येईल, तसेच या वेळी रात्री १२ नंतर कुठल्‍याही प्रकारचे पास पी.एम्.पी.एम्.एल्.च्‍या बसमध्‍ये चालणार नाहीत, असे पी.एम्.पी.एम्.एल्. प्रशासनाने सांगितले आहे.
पुणे येथे प्रसिद्ध बांधकाम व्यावसायिकाच्या मुलाच्या कारच्या धडकेत २ अभियंत्यांचा मृत्यू !
पुणे शहरात ९ बेकायदेशीर होर्डिंग्जवर कारवाई; धोकादायक ७२ फलकांना नोटिसा !
पुणे येथे आचारसंहितेचा भंग केल्याप्रकरणी भाजपच्या माजी नगरसेवकांसह कार्यकर्त्यांवर गुन्हा नोंद !
लोणी काळभोर (पुणे) येथे विज्ञापन फलक कोसळल्याच्या प्रकरणी ३ जणांवर गुन्हा नोंद !
पुण्यासह सांगली, मिरज, कोल्हापूर आणि सोलापूर रेल्वेस्थानके बाँबने उडवून देण्याची धमकी देणार्यास मुंबई येथे अटक !
श्री तुळजाभवानी मंदिरात प्रशासनाकडून केवळ सशुल्क दर्शन घेणार्यांची सोय !