(म्हणे) ‘मनुवाद्यांना भुईसपाट केले पाहिजे !’ – कर्नाटकचे मुख्यमंत्री सिद्धरामय्या

कर्नाटकचे मुख्यमंत्री सिद्धरामय्या यांचा हिंदुद्वेष

बेंगळुरू – अंबेडकर तत्त्वानुसार चालणार्‍या संघटनांनी काँग्रेस पक्षाला सत्ता मिळावी; म्हणून कष्ट केले आहेत. हीच भूमिका आंबेडकरवादी संघटनांनी पुढील लोकसभा निवडणूक आणि अन्य वेळीही घ्यावी, असे वक्तव्य मुख्यमंत्री सिद्धरामय्या यांनी केले. दलित संघर्ष समितीने आयोजित एका कार्यक्रमात ते बोलत होते. मनुवादी असणारे भाजप, संघ आणि हिंदु महासभा हे घटनाविरोधी आहेत. मनुवाद्यांना भुईसपाट केले पाहिजे. डॉ. बाबासाहेब आंबेडकर यांनी बनवलेली राज्यघटना कितीही श्रेष्ठ असली, तरी केंद्रात आणि राज्यात घटनाविरोधी सरकार सत्तेवर आल्यास लोकांची हानी होते. काँग्रेस पण दलित आणि शोषित समुदायाच्या उद्धारासाठी बद्ध आहे.