नवजात अर्भकांची लाखो रुपयांना खरेदी-विक्री !

उल्हासनगर – येथील महालक्ष्मी नर्सिंग होममध्ये नवजात अर्भकांची लाखो रुपयांना खरेदी-विक्री होत असल्याचे उघडकीस आले आहे. डॉ. चित्रा चैनानी यांनी नवजात अर्भकांच्या विक्रीची एक टोळीच बनवली होती.

या प्रकरणी आरोपी डॉ. चित्रा चेनानी यांच्यासह ५ महिला दलालांवर गुन्हा नोंदवण्यात आला आहे. हा प्रकार एका समाजसेवकाच्या लक्षात आला. त्यांनी काही लोकांना ‘बनावट’ ग्राहक बनवून त्यांना नर्सिंग होममध्ये पाठवले. तेव्हा सत्य समोर आले.

(सौजन्य : abp माझा)

नाशिकहून आलेल्या २२ दिवसांच्या बाळाला ‘बनावट’ ग्राहकाला विकण्याचे डॉक्टरांनी ठरवले होते. त्या बाळाची किंमत ७ लाख अशी ठरवण्यात आली होती. या बाळाला विकतांना पोलिसांनी रंगेहात पकडले. मुली आणि मुले यांचे दर वेगवेगळे असल्याचे समजते.