|
मुंबई, २७ फेब्रुवारी (वार्ता.) – विरोधी आमदारांमध्‍ये ‘देशद्रोही’ कोण आहे ? यावर मुख्‍यमंत्र्यांनी खुलासा करावा. मुख्‍यमंत्र्यांनी ज्‍या प्रकारची विधाने केली, त्‍यातून हे राज्‍य सरकार खरोखरच ‘महाराष्‍ट्रविरोधी’ वाटू लागले आहे, असे विधान परिषदेचे विरोधी पक्षनेते अंबादास दानवे यांनी म्‍हटले. ‘मुख्‍यमंत्र्यांना त्‍यांच्‍या वक्‍तव्‍यावर स्‍पष्‍टीकरण देण्‍याचे निर्देश द्यावे’, अशी विनंती त्‍यांनी उपसभापती डॉ. नीलम गोर्‍हे यांच्‍याकडे केली.
मुख्‍यमंत्री एकनाथ शिंदे यांनी २६ फेब्रुवारी या दिवशी चहापानावर बहिष्‍कार टाकणार्‍या महाविकास आघाडीतील आमदारांना ‘देशद्रोही’ संबोधले होते. अर्थसंकल्‍पीय अधिवेशनाच्‍या पहिल्‍या दिवशी विधान परिषदेत विरोधी पक्षाच्‍या आमदारांनी मुख्‍यमंत्री एकनाथ शिंदे यांच्‍या वक्‍तव्‍याचा निषेध केला.
संसदीय कार्यमंत्री चंद्रकांत पाटील म्‍हणाले की, जेव्‍हा मुख्‍यमंत्री सभागृहात उपस्‍थित रहातील, तेव्‍हा त्‍यांच्‍या विधानावर आक्षेप घेतल्‍यास ते त्‍याला उत्तर देतील; मात्र त्‍याआधी राज्‍य सरकार कसे महाराष्‍ट्रविरोधी आहे, हेही विरोधकांनी सिद्ध करावे. चंद्रकांत पाटील यांच्‍या वक्‍तव्‍यावर अप्रसन्‍न झालेल्‍या ठाकरे गटाच्‍या आमदारांनी विधान परिषदेत उपसभापतींच्‍या समोरील मोकळ्‍या जागेत येऊन घोषणा देणे चालू केले.
संपादकीय : होर्डींगवरील नेतेगिरी !
‘डीप स्टेट’ : भारतासाठी धोक्याची घंटा !
केंद्रीय अर्थसंकल्पासाठी मुख्‍यमंत्री डॉ. सावंत यांच्याकडून गोव्यातील मागण्या सुपुर्द
कर्नाटक येथून अनधिकृतपणे गोमांस आणल्याच्या संशयावरून गोरक्षक गाडीची पहाणी आणि चौकशी यांसाठी गेले असतांना झाले आक्रमण !
विधानसभेत हिंदूंना बंधूभावाचे धडे देणार्या अबू आझमी यांना मंत्री नीतेश राणे यांनी खडसावले !
पुढील २ दिवसांमध्ये मंत्रीमंडळ खाते वाटप होईल ! – मंत्री गुलाबराव पाटील