पंजाबच्या कारागृहात सिद्धू मुसेवाला हत्याकांडातील आरोपींमध्ये झालेल्या हाणामारीत दोघांचा मृत्यू, तर तिसरा घायाळ

तरणतारण (पंजाब) – येथील गोइंदवाल साहिब कारागृहामध्ये पंजाबी गायक सिद्धू मुसेवाला यांच्या हत्येच्या प्रकरणातील ३ आरोपींमध्ये हाणामारी झाली. यात मनदीप तुफान आणि मनमोहन सिंह या २ आरोपींचा मृत्यू झाला, तर केशव नावाचा तिसरा आरोपी गंभीररित्या घायाळ झाला आहे. त्याला उपचाराकरता रुग्णालयात भरती करण्यात आले आहे.

Gang war in Goindwal Sahib Jail, death of accused Mandeep and Manmohan in Moosewala case https://t.co/nzavd7QEag

— Swarajya Times (@SwarajyaTimes) February 27, 2023

पोलीस उपअधीक्षक जसपालसिंह ढिल्लन यांनी दिलेल्या माहितीनुसार २६ फेब्रुवारीच्या सायंकाळी ३ आरोपींमध्ये वाद झाला आणि त्याचे रूपांतर हाणामारीत झाले. त्यांनी एकमेकांवर लोखंडी सळ्यांद्वारे आक्रमण केले. (कारागृहात आरोपींना लोखंडी सळ्या कशा मिळाल्या ? यावरून कारागृहाच्या व्यवस्थापनातील ढिसाळपणा दिसून येतो ! – संपादक) यात तिघेही घायाळ झाले. त्यांना रुग्णालयात नेण्यात आले असता दोघांचा मृत्यू झाला, तर तिसर्‍यावर उपचार चालू आहेत.