२५.१०.२०२२ या दिवशी झालेल्या खंडग्रास सूर्यग्रहणाच्या दिवशी आधी झालेल्या ग्रहणांच्या तुलनेत आध्यात्मिक त्रास न्यून जाणवणे

‘ग्रहणकाळात वातावरणातील वाईट शक्तींचा प्रभाव वाढतो. त्यामुळे प्रतिवर्षी ग्रहणाच्या कालावधीत साधकांना पुष्कळ प्रमाणात आध्यात्मिक त्रास होतात. त्यांच्यावर त्रासदायक शक्तीचे आवरण येते. वाईट शक्तींचा तीव्र त्रास असणार्‍या साधकांना त्रास देणार्‍या वाईट शक्तींची शक्ती अधिक वाढते आणि त्यांची मानसिक स्थिती बिघडते.

याउलट २५.१०.२०२२ या दिवशी झालेल्या खंडग्रास सूर्यग्रहणाच्या वेळी साधकांना आध्यात्मिक त्रास होण्याचे प्रमाण न्यून जाणवले. आश्रमातील साधक सेवा आणि नामजप करण्याचा अधिकाधिक प्रयत्न करत होते. त्यामुळे आश्रमातील साधकांचे तोंडवळे आनंदी जाणवले. वाईट शक्तींचा तीव्र त्रास असणार्‍या साधकांचीही मनस्थिती चांगली होती. यावरून ग्रहणकाळात त्यांच्यावर वाईट शक्तींचे आक्रमण अल्प प्रमाणात झाले, हे लक्षात येते. तसेच आश्रमात त्रासदायक शक्तीचा दाबही विशेष जाणवला नाही.

यावरून ‘हिंदु राष्ट्राच्या स्थापनेसाठी समष्टी कार्य करणार्‍या सनातनच्या साधकांची साधना गुरुकृपेने वाढत आहे आणि त्यामुळे ईश्वर त्यांचे रक्षण करत आहे’, असे लक्षात आले.’

– (सद्गुरु) डॉ. मुकुल गाडगीळ, पीएच्.डी., सनातन आश्रम, रामनाथी, गोवा. (२५.१०.२०२२)