श्री गुरु दिव्यदर्शन सोहळा अनुभवण्या साधकजन या हो ।

सर्व साधकांचा आधार असलेले सच्चिदानंद परब्रह्म डॉ. आठवले !

हा सोहळा नसे केवळ पृथ्वीलोकी,
असे अखंड ब्रह्मांडी, साधकजन या हो ।
या सोहळ्याला अनुभवण्या साधकजन या हो ।। धृ ।।

श्री गुरूंची दिव्यता, श्री गुरूंची भव्यता ।
श्री गुरूंची महती पोचविण्या सर्वलोकी साधकजन या हो ।
श्री गुरु दिव्यदर्शन सोहळा अनुभवण्या साधकजन या हो ।। १ ।।

श्री गुरु असे मज आधार, श्री गुरु माझे मायबाप ।
श्री गुरु माझा सखा अन् बंधू, श्री गुरु माझा भगवंत ।।
या गुरूंची भक्ती करण्या,
या गुरूंची महती वर्णाया साधकजन या हो ।। २ ।।

श्री गुरु दिव्य दर्शन सोहळ्यात
साधका उद्धारण्याचे ध्येय ज्यांचे ।
जणू संजीवनीच असे आपत्काळात ही जगण्याची ।
चैतन्य संजीवनी अनुभवण्या साधकजन या हो ।। ३ ।।

साधक, संत अन् सद्गुरु येती, सर्वच श्री गुरुमय होती ।
श्री गुरुमय चैतन्याच्या भवसागरात लीन होण्या या हो ।
श्री गुरु दिव्यदर्शन सोहळा अनुभवण्या, साधकजन या हो ।। ४ ।।

ध्येय ठेवूया श्री गुरुचरणी संपूर्णतः समर्पित होण्याचे ।
या दिव्य सोहळ्यातून क्षणोक्षणी पुढे जाण्याचे ।
गुरूंची कृपा अखंड अनुभवण्यास साधकजन या हो ।। ५ ।।

श्री गुरूंची महती तिन्ही लोक वर्णती ।।
धर्मसंस्थापण्या श्री गुरुरूपी साक्षात् नारायणच अवतरती ।
श्री गुरुरूपातील नारायणा अनुभवण्यास साधकजन या हो ।। ६ ।।

श्री गुरुचरणी समर्पित होऊन श्री गुरुचरणी मुक्त होण्या ।
या श्री गुरुचरणी आश्वस्त होण्या अन् उद्धरण्या ।
श्री गुरु दिव्यदर्शन सोहळा अनुभवण्या साधकजन या हो ।। ७ ।।

– श्री. सुनील घनवट, महाराष्ट्र आणि छत्तीसगड राज्य संघटक, हिंदु जनजागृती समिती. (१.५.२०२१)