जयपूर येथील श्री खाटूश्यामजी मंदिरात झालेल्या चेंगराचेंगरीत ३ भाविकांचा मृत्यू

जयपूर (राजस्थान) – येथील सिकर परिसरातील प्रसिद्ध श्री खाटूश्यामजी मंदिरामध्ये मासिक यात्रेदरम्यान दुर्घटना घडली. ८ ऑगस्टच्या पहाटे मंदिर उघडण्यापूर्वीच भाविकांची पुष्कळ गर्दी झाली होती. पहाटे मंदिर उघडल्यानंतर दर्शनासाठी आत जाण्यासाठी भाविकांनी मोठी गर्दी केल्याने झालेल्या चेंगराचेंगरीत ३ भाविकांचा मृत्यू झाला. घायाळ झालेल्या भाविकांवर रुग्णालयामध्ये उपचार चालू आहेत. मृत्यूमुखी पडलेल्या तीनही भाविक महिला आहेत, त्यांपैकी एका महिलेची ओळख पोलिसांनी पटवण्यात आली आहे. पोलिसांनी परिस्थितीवर नियंत्रण मिळवले आहे. पंतप्रधान नरेंद्र मोदी यांनीही या घटनेविषयी दु:ख व्यक्त केले आहे.

Rajasthan: Three die, and several injured in a stampede at Shri Khatushyam Mandir in Sikar https://t.co/JjeA83zSVY

— OpIndia.com (@OpIndia_com) August 8, 2022

भगवान खाटूश्यामजी हे भगवान श्रीकृष्णाचे अवतार आहेत. चंद्र दिनदर्शिकेनुसार आजचा दिवस श्री खाटूश्यामजी यांच्या दर्शनासाठी शुभ मानला जातो. या मंदिरामध्ये नेहमीच भाविकांची मोठी गर्दी असते.