हिंदूंचे विविध माध्यमांतून होणारे दमन रोखण्यासाठी हिंदु राष्ट्रच हवे !

भारत हा हिंदूबहुल देश आहे. जगभरातील हिंदूंचा आश्रयदाता होण्याचे सामर्थ्य असलेला आपला देश ! मात्र आज हिंदूबहुल भारतात हिंदूंचेच दमन होत आहे. वर्ष २०१४ मध्ये सत्तापालट झाल्यानंतर हिंदूंवरील अत्याचारांवर अंकुश बसला असला, तरी हिंदूंचे दमन होण्याच्या घटना पूर्णपणे थांबलेल्या नाहीत. हिंदुद्वेष्टे धर्मांध, साम्यवादी, पुरो(अधो)गामी टोळीच्या धर्म आणि राष्ट्र विरोधी कारवाया थांबलेल्या नाहीत. जगातील अन्य कोणत्याही देशात बहुसंख्यांकांच्या अधिकारांना लाथाडले जात नाही; मात्र भारताच्या ‘सेक्युलर’ (निधर्मी) राज्यप्रणालीमुळे हिंदूबहुल भारतात हिंदूंची उपेक्षा होत आहे. ती होऊ नये, यासाठी भारतात हिंदु राष्ट्राची स्थापना होणे आवश्यक आहे.

संकलक : श्री. रमेश शिंदे, राष्ट्रीय प्रवक्ते, हिंदु जनजागृती समिती

हिंदूंवर धर्मांतरामुळे होणारे विविध आघात

आजही देशात सर्रासपणे हिंदूंचे धर्मांतर करण्याच्या घटना घडत आहेत. ‘जीझस महान, हिंदु सैतान’, अशी शिकवण विद्यार्थ्यांना देण्याचा शिक्षकांचा प्रयत्न असो, विभूती आणि रुद्राक्ष घालणाऱ्या विद्यार्थ्याला ख्रिस्ती शिक्षकाकडून मारहाण होण्याचा प्रकार असो, ‘लावण्या’सारख्या विद्यार्थिनींवर धर्मांतरासाठी दबाव टाकण्याचा प्रकार असो वा आमीष दाखवून हिंदूंना बाटवण्याचा प्रकार असो ! हिंदूंवर होणारी जीवघेणी आक्रमणे, त्यांचे होणारे धर्मांतर यांमुळे हिंदूंची संख्या घटत चालली आहे, तर अन्य पंथियांची लोकसंख्या दिवसेंदिवस वाढत चालली आहे. हिंदूंना सुरक्षितता प्रदान करण्यास सध्याची व्यवस्था कमकुवत ठरली आहे, हेच यातून दिसून येते.

छत्रपती शिवाजी महाराजांनी स्थापलेल्या हिंदवी स्वराज्यासम ‘हिंदु राष्ट्र’ आवश्यक !

आज जशी स्थिती आहे, तशीच स्थिती ४०० वर्षांपूर्वी होती. आदिलशाही, निजामशाही, इमादशाही, बरीदशाही आणि कुतूबशाही या ५ इस्लामी पातशाह्या हिंदूंवर वरवंटा फिरवत होत्या. तेव्हा छत्रपती शिवाजी महाराजांनी या इस्लामी राजसत्तांना धूळ चारत हिंदवी स्वराज्याची स्थापना केली आणि हिंदूंना सुरक्षितता प्रदान केली. हिंदूंच्या श्रद्धास्थानांचे रक्षण केले. आजही हिंदवी स्वराज्यासम हिंदु राष्ट्राची आवश्यकता आहे. ‘हिंदु राष्ट्र’ हेच देशासमोरील सर्व समस्यांचे उत्तर आहे. हिंदु राष्ट्र ही कुठलीही राजकीय संकल्पना नाही, तर आध्यात्मिक संकल्पना आहे.

हिंदु राष्ट्राची संकल्पना जनमानसामध्ये रुजवण्यात गोवा येथे प्रतिवर्षी होणाऱ्या ‘अखिल भारतीय हिंदु राष्ट्र अधिवेशना’चा महत्त्वाचा वाटा आहे. यंदा या अधिवेशनामध्ये देशभरातील २५० हून अधिक संघटनांच्या १००० हून अधिक प्रतिनिधींना आमंत्रित करण्यात आले आहे. हिंदु राष्ट्र निर्मितीच्या कार्याला गती येण्याच्या दृष्टीने समान कृती कार्यक्रम निश्चित करणे, कार्य करतांना येणाऱ्या अनुभवांचे आदान-प्रदान करणे, कार्यातील समस्या सोडवण्याच्या दृष्टीने उपाययोजना काढणे, हिंदु राष्ट्राच्या वैचारिक भूमिकेचा प्रसार करणे आदी अनेक पैलूंवर या अधिवेशनामध्ये प्रकाश टाकला जातो. ‘स्वतःचे योगदान देण्याची प्रेरणा समस्त हिंदुत्वनिष्ठ संघटनांना मिळो’, अशी ईश्वरचरणी प्रार्थना !