‘एन्.आय.एफ.’ आणि ‘ट्रायकोलर इनोव्हेशन्स प्रायव्हेट लिमिटेड’कडून गायीच्या शेणापासून श्री गणेशमूर्ती सिद्ध करण्यास प्रोत्साहन !

पुणे – टाकाऊपासून टिकाऊ वस्तू सिद्ध करण्याचे सध्या अनेक जण प्रयत्न करत आहेत. त्यांच्या कलागुणांना वाव देण्यावर भर दिला गेला पाहिजे. एक चांगली कल्पना पूर्ण गावाला रोजगार उपलब्ध करून देऊ शकते. त्यामुळे आता नागरिक नवीन कल्पनांचा गांभीर्याने विचार करत आहेत, असे मत नॅशनल इनोव्हेशन फाऊंडेशनचे (‘एन्.आय.एफ.’चे) संचालक आणि मुख्य नवकल्पना अधिकारी डॉ. विपीन कुमार यांनी व्यक्त केले. ते ‘इको फ्रेंडली गणपति’ मूर्तीविषयी जनजागृती करण्यासाठी ‘एन्.आय.एफ.’ आणि ‘ट्रायकोलर इनोव्हेशन्स प्रायव्हेट लिमिटेड’ यांनी आयोजित केलेल्या कार्यक्रमात बोलत होते. या वेळी ‘ट्रायकोलर इनोव्हेशन्स प्रायव्हेट लिमिटेड’कडून गायीच्या शेणापासून सिद्ध केलेल्या इको फ्रेंडली श्री गणेशमूर्तीविषयी माहिती देण्यात आली, तसेच अशा इको फ्रेंडली गणेशमूर्ती का आवश्यक आहेत ? याविषयी या वेळी ‘पीपीटी’ सादरीकरण करण्यात आले.