‘द कश्मीर फाइल्स’च्या ‘विकिपीडिया’वरील पानाची साम्यवादी विचारसरणीच्या संपादकांकडून छेडछाड !

• समाजात चित्रपटाविषयी नकारात्मकता पसरवण्याचा प्रयत्न !

• ‘विकिपीडिया’ हे संकेतस्थळ तटस्थ नसल्याचे आधीही झाले आहेत आरोप !

• असत्यावर आधारित आणि स्वत:ला हवी ती विचारसरणी परसवणार्‍या ‘विकिपीडिया’ला ताळ्यावर आणण्यासाठी भारत शासनाने प्रयत्न करावेत, असेच हिंदूंना वाटते ! – संपादक

• हिंदुद्वेष्ट्या साम्यवाद्यांची मजल कोणकोणत्या स्तरापर्यंत गेली आहे, याचे हे एक उदाहरण होय ! हिंदू त्यांच्या धर्माचे अन् राष्ट्राचे रक्षण करण्यासाठी काही करत नसल्यानेच हिंदूंची सर्वच स्तरांवर दुर्दशा झाली आहे ! – संपादक

• जर हिंदूंनी ‘द कश्मीर फाइल्स’ पाहून त्यातून काही बोध घेतला नाही, तर त्यांचा विनाश निश्‍चित आहे, हे हिंदू कधी लक्षात घेणार ? – संपादक

‘विकिपीडिया’ कार्य कसे करते ?

‘विकिपीडिया’ हे ऑनलाइन विश्‍वकोष असून ते जगभरातील स्वयंसेवकांकडून चालवले जाते. यामध्ये जवळपास प्रत्येक विषय, प्रतिष्ठित व्यक्ती, देश आदींवर माहिती देणारी लक्षावधी पाने आहेत. त्या-त्या विषयांवर माहिती लिहिण्यासाठी स्वयंसेवकांना त्यामध्ये ऑनलाइन खाते उघडावे लागते. स्वयंसेवक असलेल्या या संपादकांना अमुक विषयावर माहिती जोडतांना अधिकृत संकेतस्थळांचा संदर्भ जोडावा लागतो, अन्यथा त्या विषयावरील माहिती ग्राह्य धरली जात नाही. विविध स्वयंसेवक असलेले संपादक ही माहिती केव्हाही पालटू शकतात, परंतु ती माहिती योग्य आहे की नाही, याकडे लक्ष ठेवणारी व्यवस्थाही या संकेतस्थळाने कार्यान्वित केलेली आहे. असे असले, तरी या संकेतस्थळावर साम्यवादी विचारसरणीच्या स्वयंसेवकांचा भरणा असल्याने अन् त्यातील व्यवस्थाही हिंदुद्वेष्टी असल्याने हिंदूंना मारक असलेली माहिती अनेक वेळा या संकेतस्थळावर पहायला मिळते.

काही मासांपूर्वी ‘हे संकेतस्थळ तटस्थ नसून साम्यवादी अन् उदारमतवादी विचारसरणी जोपासणार्‍यांच्या हातात गेलेले आहे’, असा आरोप करत संकेतस्थळाचे सहसंस्थापक लॅरी सँगर यांनी या आस्थापनाला सोडचिठ्ठी दिली होती.