‘ट्विटर’वर व्यक्तीच्या संमतीविना तिची छायाचित्रे आणि व्हिडिओ ‘शेअर’ करता येणार नाहीत ! – ‘ट्विटर’चे नवे धोरण

नवी देहली – ‘ट्विटर’ आस्थापनाने त्याच्या धोरणात महत्त्वपूर्ण पालट केला आहे. त्यानुसार आता कोणत्याही व्यक्तीच्या संमतीविना तिची छायाचित्रे किंवा व्हिडिओ ‘शेअर’ करता येणार नाहीत. आतापर्यंत वापरकर्ते दुसर्‍या वापरकर्त्याचे छायाचित्र आणि व्हिडिओ त्याच्या अनुमतीविनाच ‘शेअर’ करू शकत होता. नव्या नियमाचा मुख्य उद्देश छळविरोधी धोरण अधिक सशक्त करणे आणि महिला वापरकर्त्यांना सुरक्षा देणे, हा असल्याचे ट्विटरकडून सांगण्यात आले आहे. ट्विटरचा हा नियम सर्वसामान्य नागरिकांसाठी असून नामांकित व्यक्तींसाठी नसेल.

With #ParagAgrawal becoming the new CEO of Twitter, the company seems to be making new policy changes. https://t.co/I7QkvFPkMz

— Hindustan Times (@htTweets) December 1, 2021

१. ट्विटरने सांगितले की, खासगी छायाचित्रे आणि व्हिडिओ ‘शेअर’ केल्याने एखाद्या व्यक्तीच्या गोपनीयतेचे उल्लंघन होऊ शकते. त्यामुळे भावनिक आणि शारीरिक हानीदेखील होऊ शकते. या गोष्टींचा अपवापर केल्याने खासगी आयुष्यावर परिणाम होऊ शकतो. विशेषतः महिला आणि अल्पसंख्यांक समुदायाच्या सदस्यांना त्रासाला सामोरे जावे लागू शकते.

Beginning today, we will not allow the sharing of private media, such as images or videos of private individuals without their consent. Publishing people’s private info is also prohibited under the policy, as is threatening or incentivizing others to do so.https://t.co/7EXvXdwegG

— Twitter Safety (@TwitterSafety) November 30, 2021

२. ट्विटरने यापूर्वीच त्याच्या वापरकर्त्यांना इतरांची वैयक्तिक माहिती, ओळख दर्शवणारी कागदपत्रे, आर्थिक माहिती आणि वैद्यकीय माहिती ‘शेअर’ करण्यापासून प्रतिबंधित केले आहे.