पोलीस साहाय्य करत नसल्याविषयी शेतकर्‍यांच्या तक्रारी !
|
संभाजीनगर – जिल्ह्यातील ग्रामीण भागात शेतकर्‍यांना बैल चोरांच्या दहशतीमुळे रात्र जागून काढण्याची वेळ आली आहे. माळीवाडा-दौलताबाद या भागांमध्ये गेल्या ४ मासांत ३० बैलजोड्या म्हणजे ६० बैल चोरीला गेले आहेत. त्यामुळे आता शेतकर्‍यांमध्ये भीतीचे वातावरण निर्माण झाले आहे. बैल चोरीला गेल्याने गरीब शेतकर्‍याचे सर्वस्वच गेल्याप्रमाणे झाले आहे. रात्रीच्या वेळी धारदार शस्त्र हातात घेऊन टोळकी येतात. ही टोळकी गोठ्यातील जनावरे चोरून नेतात. बैलजोडीची चोरी होत असल्याने आता जनावरांचे रक्षण करण्यासाठी रात्रीच्या वेळी शेतकर्‍यांच्या घरातील सदस्य आळीपाळीने जागे रहात आहेत.
‘रक्षण करणारे पोलीसच जर साथ देत नसतील, तर आमचे रक्षण कोण करणार ?’, असा प्रश्न शेतकर्‍यांनी उपस्थित केला आहे. ‘जनावरे गोठ्यात न बांधता घराजवळ बांधावी किंवा गोठ्याजवळ कोणीतरी रात्री झोपावे’, असा उपदेशही पोलिसांकडून करण्यात आला आहे. (चोरांना पकडण्याचे दायित्व आणि कर्तव्य पोलिसांचे असतांना उलट शेतकर्‍यांना असा उपदेश करणारे पोलीस कर्मचारी आणि अधिकारी यांच्यावरच कठोर कारवाई करायला हवी ! – संपादक)
पोलीस शेतकर्‍यांच्या तक्रारीही नोंदवून घेत नाहीत !
कामचुकार पोलीस अन्वेषण करून बैलजोड्या शोधतील का ? असे निष्क्रीय आणि भ्रष्ट पोलीस जनतेचे भक्षकच ! – संपादक
जनावरे चोरीला जात असल्याने शेतकर्‍यांनी पोलीस ठाण्यात तक्रार देण्याचा प्रयत्न केला; मात्र पोलीस ठाण्यातील पोलिसांचा शेतकर्‍यांना प्रतिसाद मिळत नाही. पोलीस ठाण्यात जाताच तेथील पोलीस कर्मचारी आणि अधिकारी शेतकर्‍यांना हाकलून देतात. पोलिसांकडून शेतकर्‍यांची कोणतीही तक्रार नोंदवून घेतली जात नाही. कोणत्याही पद्धतीचे अन्वेषण पोलीस करत नाहीत, तसेच इतक्या बैलजोड्यांची चोरी होऊनही पोलीस साधी गस्तही घालायला येत नाहीत, अशा तक्रारी शेतकर्‍यांनी केल्या आहेत.
पसार आतंकवाद्याला ३१ वर्षांनी अटक होणे, हे पोलिसांना लज्जास्पद !
सामाजिक कार्यकर्त्या अंजली दमानिया नवीन राजकीय पक्ष काढणार !
२६ नोव्हेंबरला आळंदी येथे १८ वे वारकरी अधिवेशन !
विधानसभा निवडणूक निकालाला माजी सरन्यायाधीश डी. वाय. धनंजय चंद्रचूड उत्तरदायी !
सत्ता स्थापनेनंतर मशिदीवरील अनधिकृत भोंगे, मदरसे सहन करणार नाही ! – आमदार नितेश राणे, भाजप
प.पू. भक्तराज महाराज यांच्या महानिर्वाणदिनाच्या निमित्ताने कांदळी (जिल्हा पुणे) येथील आश्रमातील समाधीस अभिषेक !