संभाजीनगर येथील कर्णपुरादेवी मंदिराला तीर्थक्षेत्राचा दर्जा द्यावा !  – अंबादास दानवे, आमदार, शिवसेना 

राजा कर्णसिंग यांनी कर्णपुरादेवी मंदिर उभारले !

छावणी परिसरातील कर्णपुरादेवी पंचक्रोशीत प्रसिद्ध आहे. शहराची ग्रामदेवता म्हणून कर्णिकामातादेवीची ओळख आहे. नवरात्रोत्सवात या मंदिरात लाखो भाविकांची गर्दी होते. राजस्थानातून आलेल्या कर्णसिंग राजाने या मंदिराची उभारणी केली आहे. दानवे कुटुंबांची सातवी पिढी या मंदिराचे पुजारी म्हणून काम पहात आहे. राजस्थानातील बिकानेर येथील राजा कर्णसिंग वर्ष १८३५ मध्ये शहरात वास्तव्यासाठी आले होते. छावणी परिसरातील कर्णपुरा येथे त्याचे वास्तव्य होते. ते राजस्थान येथील कर्णिकामातेचे भक्त होते. या ठिकाणीही कर्णिकामातेचे मंदिर बांधायचे त्यांनी ठरवले. त्यानंतर या मंदिराची उभारणी करण्यात आली आहे.