मुख्यमंत्री, विरोधी पक्षनेते, खासदार इत्यादींनी शिवशंकर पाटील यांचे केवळ शाब्दिक कौतुक न करता त्यांचे अनुकरण करणे अपेक्षित आहे !

‘शेगाव येथील ‘श्री गजानन महाराज संस्थान’चे व्यवस्थापकीय विश्वस्त कर्मयोगी शिवशंकर पाटील यांचे ४.८.२०२१ या दिवशी वृद्धापकाळाने निधन झाले. त्यांच्या निधनाविषयी राज्याचे मुख्यमंत्री उद्धव ठाकरे यांनी श्रद्धांजली वाहतांना ‘श्री गजानन महाराज संस्थानाच्या कारभाराचे नियोजन आणि व्यवस्थापन हा जगभरातील तज्ञांसाठी अभ्यासाचा विषय राहिला आहे’, असे म्हटले. तसेच विधानसभेचे विरोधी पक्षनेते देवेंद्र फडणवीस यांनी ‘शिवशंकरभाऊ पाटील यांच्या निधनाने एक व्रतस्थ सेवेकरी, व्यवस्थापन गुरु आणि निष्काम कर्मयोगी गमावला आहे. ते समर्पण भावाचे मूर्तीमंत उदाहरण होते’, अशी श्रद्धांजली वाहिली.’