कोरोनाग्रस्त पित्यासाठी ऑक्सिजन सिलिंडर शोधणार्‍या मुलीकडे त्याच्या मोबदल्यात शारीरिक संबंधाची मागणी

  • अशी वासनांधांना सरकारने आजन्म कारागृहात टाकले पाहिजे ! अशा वेळी पोलीस स्वतःहून गुन्हा नोंदवून आरोपीला अटक का करत नाहीत ? कि त्यांना याचेही काहीच वाटत नाही ?
  • या घटनेवर महिला आयोग गप्प का ? तो आरोपीला अटक करण्याची मागणी का करत नाही ?

नवी देहली – कोरोनाग्रस्त पित्यासाठी ऑक्सिजन सिलिंडर शोधणार्‍या मुलीकडे ते देण्याच्या बदल्यात शेजार्‍याकडून शारीरिक संबंध ठेवण्याची मागणी करण्याचा घृणास्पद प्रकार उघड झाला आहे.

पीडित मुलगी तिच्या कोरोनाग्रस्त वडिलांसाठी ऑक्सिजन सिलिंडरचा शोध घेत होती. त्याच वेळी तिच्या शेजारी रहाणार्‍या व्यक्तीने त्या मुलीकडे ऑक्सिजन सिलिंडरच्या बदल्यात सेक्सची मागणी केली. त्या व्यक्तीने अत्यंत घाणेरड्या भाषेत पीडित मुलीकडे वरील प्रकारची मागणी केली. यानंतर सदर मुलीने टि्वटरवरून यास वाचा फोडली. यावर सामाजिक माध्यमांतूनही अनेकांनी तीव्र प्रतिक्रिया व्यक्त करत आरोपीला बेड्या ठोकण्याची मागणी केली आहे.