कै. प्रदीप हसबनीस यांच्याविषयी सौ. अनुराधा पुरोहित यांना जाणवलेली सूत्रे

१. रुग्णाईत असूनही नेहमी सकारात्मक रहाणे

‘गेल्या काही वर्षांपासून मी हसबनीसकाकांना पाहिले आहे. ‘प्रदीप हसबनीसकाका अनेक वर्षे अंथरूणाला खिळून होते; पण त्यांचा तोंडवळा सदैव आनंदी असायचा. मी त्यांना विचारायचे, ‘‘काका तुम्ही कसे आहात ?’’ तेव्हा त्यांचे सदैव सकारात्मक उत्तर असायचे, ‘‘मी एकदम चांगला आहे. मला काय झाले आहे ?’’ खरेतर त्यांची स्थिती पुष्कळ अत्यवस्थ असायची.

२. प्रेमभावाने विचारपूस करणे

मी आश्रमात सेवेसाठी यायचे. त्यामुळे अनेक दिवस आमची भेट होत नव्हती. तेव्हा ते ‘शेजारच्या वहिनी बरेच दिवसांत आल्या नाहीत’, असे हसबनीसकाकूंना विचारायचे. यातून त्यांचा प्रेमभाव जाणवायचा.

३. गुरु आणि संत यांच्याविषयी भाव असणे

काकांना ‘मी आश्रमात जात आहे’, असे सांगितल्यावर ते म्हणायचे, ‘‘तुम्ही नशिबवान आहात. आश्रमातील संतांना माझा नमस्कार सांगा.’’ त्यांना कधीही परात्पर गुरु डॉक्टरांविषयी सांगितले, तर त्यांचा भाव जागृत होत असे. पू. माईणकरआजींना ते आठवणीने नमस्कार सांगायचे आणि ते सतत देवाच्या अनुसंधानात असल्याचे मला जाणवायचे.