वाशी येथे मनसेच्या वतीने ‘मी मराठी, माझी स्वाक्षरी मराठी’ अभियान

नवी मुंबई – महाराष्ट्र नवनिर्माण सेनेच्या वाशी विभागाच्या वतीने मराठी राजभाषा दिनानिमित्त ‘मी मराठी, माझी स्वाक्षरी मराठी’ या अभियानाचे आयोजन करण्यात आले होते. सेक्टर ९, वाशी बस स्थानक येथे मनसेचे शहर अध्यक्ष गजानन काळे यांनी मराठीमध्ये स्वाक्षरी करून कार्यक्रमास प्रारंभ केला. या कार्यक्रमाचे आयोजन नवी मुंबई शहर सहसचिव अमोल इंगोले-देशमुख आणि वाशी विभागाचे अध्यक्ष अशोक भोसले यांनी केले होते. या प्रसंगी महाराष्ट्र सैनिक आणि मराठी भाषाप्रेमी मोठ्या संख्येने उपस्थित होते.