भारत जगातील सर्वांत मोठी कोरोना लसीकरण मोहीम राबवणार ! – पंतप्रधान मोदी

नवी देहली – देशातील कोरोनाबाधितांची संख्या सध्या न्यून होत चालली आहे. आम्ही जगातील सर्वांत मोठी कोरोना लसीकरण मोहीम राबवण्याची सिद्धता करत आहोत, अशी माहिती पंतप्रधान नरेंद्र मोदी यांनी दिली. ते गुजरातमधील राजकोटमध्ये एम्स रुग्णालयाच्या भूमीपूजनाच्या वेळी ‘ऑनलाईन’ सहभागी होतांना बोलत होते. ‘वर्ष २०२० ने आपल्याला ‘आरोग्य हीच संपत्ती आहे’, हे चांगलेच शिकवले आहे. हे वर्ष अनेक आव्हाने घेऊन आले’, असेही ते म्हणाले.