येत्या महापालिका निवडणुकांमध्ये महाविकास आघाडीला यश मिळेल ! – महाराष्ट्र राज्य गुप्तचर विभाग

मुंबई – राज्याच्या गुप्तचर विभागाने येत्या महानगरपालिका निवडणुकीविषयीचा एक अहवाल राज्यशासनाकडे सुपूर्द केला असून त्यामध्ये महाविकास आघाडीला यश मिळेल, असे मत नोंदवले आहे. राज्यातील १४ सहस्र ग्रामपंचायतींच्या निवडणुकीनंतर कोल्हापूर, संभाजीनगर, नवी मुंबई, कल्याण-डोंबिवली आणि वसई-विरार या महानगरपालिकांची निवडणूक होणार आहे. या निवडणुका महाविकास आघाडी म्हणून एकत्रित लढणार कि शिवसेना, राष्ट्रवादी काँग्रेस आणि काँग्रेस स्वतंत्रपणे लढणार ? हे अद्याप घोषित करण्यात आलेले नाही.