खासदार शरद पवार यांचा वाढदिवस भाजपच्या वतीने ‘राष्ट्रीय भ्रष्टाचार दिन’ म्हणून साजरा

सांगली, १३ डिसेंबर (वार्ता.) – माननीय पंतप्रधान नरेंद्र मोदी यांचा वाढदिवस काँग्रेस आणि राष्ट्रवादी काँग्रेस पक्षाच्या वतीने राष्ट्रीय बेरोजगार दिवस म्हणून साजरा केला. त्यामुळे त्याला प्रत्युत्तर म्हणून १२ डिसेंबर या दिवशी खासदार शरद पवार यांचा ८० वा वाढदिवस भाजपच्या वतीने ‘राष्ट्रीय भ्रष्टाचार दिन’ म्हणून साजरा करण्यात आला. मथुबाई गरवारे कन्या शाळा येथे हा दिवस साजरा करतांना भारतीय जनता पक्ष संघटन सरचिटणीस श्री. दीपक माने म्हणाले, ‘‘यापुढे महाविकास आघाडीच्या नेत्यांनी भारतीय जनता पक्षाच्या वरिष्ठ नेत्यांच्या विरोधात अपमानास्पद वक्तव्य केल्यास त्याला जशास तसे उत्तर दिले जाईल.’’

या वेळी सर्वश्री राहुल माने, अमित भोसले, राजू मद्रासी, सोहम जोशी, अनिकेत खिलारे, शुभम कांबळे, ऋषी माने, रमेश पुजारी, शुभम माने, प्रकाश मद्रासी, राहुल घोडकिया, तसेच अन्य उपस्थित होते.