सिंधुदुर्गात १३ नवीन कोरोनाचे रुग्ण आढळले, दोघांचा मृत्यू 

सिंधुदुर्ग – गेल्या २४ घंट्यांत जिल्ह्यात १३ नवीन कोरोनाबाधित रुग्ण आढळले. त्यामुळे कोरोनाबाधितांची आतापर्यंतची एकूण संख्या ५ सहस्र ९० झाली आहे. जिल्ह्यातील कोरोनामुक्त रुग्णांची आतापर्यंतची एकूण संख्या ४ सहस्र ७९९ आहे. जिल्ह्यात सध्या १५० रुग्णांवर उपचार चालू आहेत. जिल्ह्यातील ६ कोरोनाबाधित रुग्ण उपचारासाठी जिल्ह्याबाहेर गेले आहेत. २ जणांचा मृत्यू झाल्याने कोरोनामुळे मृत्यू झालेल्यांची एकूण संख्या १३५ झाली आहे, अशी माहिती जिल्हा शल्यचिकित्सक डॉ. श्रीमंत चव्हाण यांनी दिली.