अकोला महानगरपालिकेच्या स्थायी समितीच्या सभागृहाला दिलेले ‘टिपू सुलतान’चे नाव अवैध !

अकोला – अकोला महानगरपालिकेच्या स्थायी समिती सभागृहाला ‘शहीदे वतन हजरत टीपू सुलतान सभागृह’ असे दिलेले नाव पूर्णपणे अवैध आणि शासकीय नियमांचे उल्लंघन करणारे आहे. या प्रकरणी पालिका प्रशासनाला कायदेशीर नोटीस बजावण्यात आली आहे. अकोला येथील हिंदुत्वनिष्ठ श्री. उदय महा (वय ६४ वर्षे) यांनी त्यांचे अधिवक्ता मुकुंद जालनेकर यांच्या माध्यमातून पालिका आयुक्त, महापौर आणि सभापती यांना ही नोटीस पाठवण्यात आली आहे. ‘जर हे अवैध नाव हटवले नाही, तर संबंधित नियमांचे उल्लंघन करणार्‍यांविरुद्ध थेट न्यायालयात कायदेशीर दाद मागण्यात येईल’, असे नोटिसीत म्हटले आहे.

🚨 Akola Municipal Corporation's naming of its Standing Committee Hall after Tipu Sultan has been declared illegal. – Legal notice by Hindutva activist Uday Maha

Vigilant citizens can bring about change.

If roads or other public places in the State have been named after Mughal… pic.twitter.com/hW258xkkEm

— Sanatan Prabhat (@SanatanPrabhat) June 25, 2026

नोटिशीमध्ये पुढे म्हटले की,

१. शासनाने थोर व्यक्तींची एक अधिकृत सूची प्रसिद्ध केली आहे. शासकीय धोरणानुसार त्याच सूचीतील नावे शासकीय इमारती किंवा सभागृह यांना देणे बंधनकारक आहे.

२. या सूचीत ‘टिपू सुलतान’ नावाचा कुठेही समावेश नाही. त्यामुळे असे नाव सभागृहाला देणे, हा थेट शासकीय आणि प्रशासकीय आदेशांचा भंग आहे. ती कृती पूर्णपणे अवैध ठरते.

३. या सूचीत ‘छत्रपती संभाजी महाराज’ यांचे नाव आहे. महानगरपालिकेने दिलेल्या समयमर्यादेत टिपू सुलतानचे अवैध नाव हटवून अधिकृत सूचीनुसार ‘छत्रपती संभाजी महाराज सभागृह’ असे नाव द्यावे.