Advocate Asim Sarode : (म्हणे) ‘सनातनी प्रवृत्तींकडून लघु कुंभमेळ्याच्या माध्यमातून प्रतिगामी विचारांना खतपाणी !’

सातारा, २५ मे (वार्ता.) – सातारा येथील छत्रपती प्रतापसिंह महाराज, नाना जगन्नाथ शंकर शेठ आणि राजर्षी शाहू महाराज यांना वाई येथील कर्मठ सनातनी प्रवृत्तींकडून विरोध झाला होता. राजर्षी शाहू महाराजांना वेदोक्ताचा अधिकार नाही, अशी भूमिका घेणार्‍या सनातनी शक्तींविरुद्ध स्वामी केवलानंद सरस्वती यांनी धर्मसुधारणेचा लढा उभारला होता. सध्या सनातनी प्रवृत्तींकडून लघु कुंभमेळ्याच्या माध्यमातून प्रतिगामी विचारांना खतपाणी घातले जात आहे, असे मत अधिवक्ता असीम सरोदे यांनी व्यक्त केले.

⚠️ “Regressive thoughts are being fueled by Sanatani tendencies through the Mini Kumbh Mela!” – Advocate Asim Sarode

By making such statements over the Mini Kumbh Mela, Advocate Sarode appears intent on creating communal discord in society.

Those who neither believe in God nor… pic.twitter.com/n7HzxXfWzN

— Sanatan Prabhat (@SanatanPrabhat) May 26, 2026

अधिवक्ता सरोदे म्हणाले, ‘‘वाई येथील लघु कुंभमेळ्यासाठी सरकारकडून १ कोटी ५० लाख रुपये व्यय केले जात आहेत. या रकमेचा विनियोग नेमका कुणासाठी आणि कशासाठी केला जात आहे ? याची पारदर्शक माहिती जनतेसमोर ठेवली पाहिजे. लघु कुंभमेळ्यासाठी उपस्थित साधू-संत कोण आहेत ? त्यांची पार्श्वभूमी काय आहे ? समाजकारणातील त्यांचे योगदान काय आहे ? याची कोणतीही अधिकृत माहिती नागरिकांना देण्यात आलेली नाही. केवळ धार्मिकतेच्या नावाखाली लोकांच्या भावनांशी खेळण्याचा प्रकार चालू आहे. देशभरात अनेक ठिकाणी काही तथाकथित बाबांवर अमली पदार्थ सेवन, फसवणूक आणि अंधश्रद्धा पसरवल्याचे आरोप झाले आहेत. त्यामुळे या लघु कुंभमेळ्यात सहभागी होणार्‍या साधूंची पार्श्वभूमी पडताळणे आवश्यक आहे.’’