तुर्भे रेल्वेस्थानकाजवळील पदपथांच्या सुधारणेचे काम चालू !

नवी मुंबई, २६ जून (वार्ता.) – तुर्भे रेल्वेस्थानकाच्या जवळील पदपथांची दुरवस्था झाल्याचे वृत्त २४ जून या दिवशी ‘दैनिक सनातन प्रभात’मध्ये प्रसिद्ध केले होते. त्याची नोंद घेत महानगरपालिकेच्या अभियंता विभागाकडून पदपथाची सुधारणा करण्याचे काम हाती घेण्यात आले आहे. हे पदपथकाही ठिकाणी खराब झाले होते. त्यांवरील लाद्या उखडल्या गेल्या होत्या. काही ठिकाणी लाद्यांना धार असल्याने नागरिकांना गंभीर ठेच लागून ते घायाळ होत होते. महानगरपालिका आणि स्थानिक लोकप्रतिनिधी यांचे दुर्लक्ष होत असल्याने नागरिकांनी संताप व्यक्त केला होता. आता पदपथ आणि लाद्या यांची दुरुस्ती करण्यात येत असल्याने त्यात सुधारणा होईल.