५०० रुपयांची बनावट नोट चलनात आणण्याचा प्रयत्न करणारे दोघे पोलिसांच्या कह्यात !

पुणे – ५०० रुपयांची बनावट नोट चलनात आणण्याचा प्रयत्न करणार्‍या दोघांना पोलिसांनी कह्यात घेतले. चहा विक्रेत्याच्या प्रसंगावधानामुळे ते ढोले पाटील रस्त्यावर पकडले गेले. ओमप्रकाश अगरवाल आणि मौसम मिश्रा अशी त्यांची नावे आहेत. अशोक बिदनकर यांनी कोरेगाव पार्क पोलीस ठाण्यात तक्रार दिली आहे. अगरवाल आणि मिश्रा यांनी बिदनकर यांच्या चहाच्या टपरीवर येऊन ५०० रुपयांची बनावट नोट देऊन सिगारेट खरेदी केली. तक्रारदारांच्या आईच्या निदर्शनास नोट बनावट असल्याचे लक्षात आल्याने पोलिसांना माहिती दिली. पोलिसांनी दोघांना कह्यात घेतले असून न्यायालयाने त्यांना २५ जूनपर्यंत पोलीस कोठडीत ठेवण्याचे आदेश दिले आहेत.