हसतमुख आणि सर्वांशी सहजतेने जवळीक साधणार्‍या चि.सौ.कां. गुलाबी धुरी !

‘२७ जून २०२६ या दिवशी कुडाळ येथील सनातनची साधिका चि.सौ.कां. गुलाबी धुरी आणि पुणे येथील सनातनचे साधक चि. कौशिक पाटील यांचा शुभविवाह खेड, पुणे येथे होत आहे. चि.सौ.कां. गुलाबी धुरी काही काळ रामनाथी (गोवा) येथील सनातनच्या आश्रमात राहून साधना करत होत्या. त्या वेळी साधिकेच्या लक्षात आलेली त्यांची गुणवैशिष्ट्ये पुढे दिली आहेत.

चि. कौशिक पाटील आणि चि.सौ.कां. गुलाबी धुरी यांना शुभविवाहानिमित्त सनातन परिवाराच्या वतीने हार्दिक शुभेच्छा !

१. हसतमुख आणि आनंदी

‘गुलाबी नेहमी हसतमुख असते. तिच्या चेहर्‍यावर कधीही थकवा किंवा ताण जाणवत नाही. ती प्रत्येक प्रसंगाकडे आध्यात्मिक दृष्टीने पहाते. तिची प्रत्येक चांगल्या-वाईट घटनेतून काहीतरी नवीन शिकण्याची वृत्ती आहे. ती नेहमी शिकण्याच्या स्थितीत असल्यामुळे ती सतत आनंदी असते.

२. सगळ्यांशी सहजतेने जवळीक साधणे

ती सगळ्यांशी मिळून-मिसळून रहाते. ती प्रत्येक वयोगटातील व्यक्तीशी सहजतेने संवाद साधते आणि त्यांची मने जिंकून घेते.

३. सेवेची तळमळ

ती नेहमी तत्परतेने सेवा करत होती. ती अनेक वेळा रात्री उशिरापर्यंत सेवा करूनही दुसर्‍या दिवशी सकाळी उत्साही असे. तिच्यात सेवा करण्याची तळमळ असल्याने तिला कधी थकवा जाणवत नसे.

४. रुग्णाईत साधिकांची सेवा भावपूर्ण करणे

ती आश्रमातील रुग्णाईत साधकांची सेवा ‘गुरुदेवांचीच (सच्चिदानंद परब्रह्म डॉ. आठवले यांची) सेवा करत आहे’, या भावाने करत असे. ती करत असलेल्या सेवेमुळे रुग्णाईत साधकांनाही पुष्कळ मानसिक आणि आध्यात्मिक आधार मिळत होता.

५. गुरुदेव आणि संत यांच्याप्रती उत्कट भाव

गुलाबीच्या अंतःकरणात गुरुदेव आणि संत यांच्याप्रती उत्कट भाव आहे. कोणतीही सेवा असो, ती सेवा गुलाबी अत्यंत भावपूर्ण रितीने करत असे. तिची गुरूंप्रतीची श्रद्धा तिच्या प्रत्येक कृतीतून दिसून येत होती.

‘चि.सौ.कां. गुलाबीचे वैवाहिक जीवन अत्यंत आनंदी, सुखी आणि अध्यात्ममय होवो’, अशी मी गुरुचरणी प्रार्थना करते.’

– सुश्री स्मिता ढगे, सनातन आश्रम, रामनाथी, गोवा. (१०.६.२०२६)