Bhojshala Case : (म्हणे) ‘तथ्य योग्य प्रकारे सादर केले गेले नाहीत !’ – मुसलमान पक्ष

धार (मध्यप्रदेश) – भोजशाळेच्या प्रकरणात मध्यप्रदेश उच्च न्यायालयाच्या इंदूर खंडपिठाने दिलेल्या निर्णयाच्या विरोधात मुसलमान पक्षाने सर्वोच्च न्यायालयात आव्हान दिले. मुसलमान पक्षाने विशेष अनुमती याचिका प्रविष्ट केली. उच्च न्यायालयाने ६ दिवसांपूर्वी भोजशाळा परिसर श्री वाग्देवी मंदिराशी संबंधित प्राचीन धार्मिक स्थळ मानले होते.

“The facts were not presented properly before the court!”

Muslim Side Challenges Bhojshala Verdict in the Supreme Court

Since the Archaeological Survey’s findings led the High Court to clearly state that Bhojshala is a Hindu temple, the truth will not change no matter how much… https://t.co/YG8Pq3h4ay pic.twitter.com/Uiiq0GOKDS

— Sanatan Prabhat (@SanatanPrabhat) May 22, 2026

मुसलमान समाजाचे ‘सदर’ (धार्मिक कामकाज, मदरसे, वक्फ मालमत्ता यांची देखरेख करणारा अधिकारी) अब्दुल समद यांनी सांगितले की, या निर्णयामुळे समाजात निराशा आहे आणि तो एकतर्फी असल्याचे सांगत त्याला आव्हान देण्यात आले आहे. ज्येष्ठ अधिवक्ता सलमान खुर्शीद या प्रकरणात लवकर सुनावणी आणि उच्च न्यायालयाच्या आदेशाला स्थगिती देण्याची मागणी करतील. न्यायालयासमोर काही महत्त्वाची तथ्ये योग्य प्रकारे सादर केली गेली नाहीत. कमाल मौला मशिदीत अनुमाने ७०० वर्षांपासून शुक्रवारचे नमाजपठण केले जात आहे. या परंपरेवर परिणाम झाल्याने समाजात दुःख आहे; परंतु ही लढाई पूर्णपणे घटनात्मक आणि कायदेशीर चौकटीतच लढली जाईल.

शहर काझी (इस्लामी कायदेतज्ञ आणि न्यायाधीश) वकार सादिक म्हणाले की, मुसलमान समाज न्यायव्यवस्थेचा आदर करतो आणि आता सर्वोच्च न्यायालयाकडून न्यायाची अपेक्षा आहे.