सनातन प्रभात > Post Type > बातम्या > राष्ट्रीय बातम्या > पुढील १ वर्ष देशहितासाठी सोने खरेदी करू नका ! – PM Modi Appeals

पुढील १ वर्ष देशहितासाठी सोने खरेदी करू नका ! – PM Modi Appeals

पंतप्रधान मोदी यांचे आवाहन

देशवासियांना आवाहन करतांना पंतप्रधान मोदी

सिकंदराबाद (तेलंगाणा) – मी लोकांना आवाहन करतो की, त्यांनी पुढील १ वर्ष लग्नासाठी सोने खरेदी करू नये. कोरोना महामारीच्या काळात आपण ‘वर्क फ्रॉम होम’ (घरीच राहून काम करणे), ऑनलाईन बैठका आणि व्हिडिओ कॉन्फरन्स यांसारख्या व्यवस्थांचा स्वीकार केला होता. हळूहळू आपल्याला त्यांची सवयही झाली होती. आज काळाची आवश्यकता आहे की, आपण त्या व्यवस्थांना पुन्हा प्राधान्य द्यावे, असे आवाहन पंतप्रधान नरेंद्र मोदी यांनी येथे एका सभेला संबोधित करतांना केले.

पुढील १ वर्ष विदेशातही जाऊ नये, असे आवाहनही त्यांनी केले.

पेट्रोल आणि डिझेल वाचवणे हीसुद्धा देशभक्ती !

ते पुढे म्हणाले की,

गेल्या २ महिन्यांपासून आपल्या शेजारी युद्ध चालू आहे. याचा परिणाम जगासह भारतावरही झाला आहे. सध्याच्या परिस्थितीत परकीय चलन वाचवण्यावरही विशेष भर देण्याची आवश्यक आहे. जगभरात पेट्रोल आणि डिझेल अत्यंत महाग झाले आहे, त्यामुळे इंधनाची बचत करणे, हे आपले दायित्व आहे. हीसुद्धा देशभक्ती आहे. यासाठी सार्वजनिक वाहतूक व्यवस्थेचा (बस, रेल्वे, मेट्रो) वापर करावा. इलेक्ट्रीक गाड्यांचा अधिकाधिक वापर करावा.

नूतन लेख